РУСЛАННУЛ АРС ЖАНАЕВ МУРАД

Гьашину май зурул дайдихьулий, хар-хавар бакъа, къашавайгу къавхьуну, оьрмулул 36 шинаву дунияллия лавгунни ххаллил­сса лаккучу, ГьунчIукьатIатусса Жанаев Мурад Русланнул арс.

Мурад увну ур 1979 шинал Каспийск шагьрулий.
Школа къуртал бувну махъ увххун ур ГПТУ-лувун.
1998 шинал зун ивкIун ур «Дагдизель» заводрай. Шикку зий уна, къуртал бувну бур механический техникум, яла ув­ххун ур политехнический институтравун. Мугу къуртал бувну, зий ивкIун ур заводрай инженер-технологну.
Мурад ия ххишала акъа инсантуращал хIал бавкьусса, цалва пиша лавайну кIулсса зузала. Ванал бур 4 душ. Оьрмулул мюрщину вайгу кьабивтун, дунияллия чIун дакъа бивкIулул лавсун лавгунни Мурад. Мурадлул кьурчIисса бивкIулул жижара буллай буру ванал нитти-буттахь, кулпатрахь, душваврахь, гъан-маччанахь, уссур­ссуннахь.
Ванан бакъамур ванал душвавран, махънан булуннав, цал рухI алжаннул ххари даннав.
ГьунчIукьатIрал жямат

——————————

Баширдул арс Султанов Зайнуттин

Вай гьантрай 40 гьантта хъанай бур ЦIуссаккуллал шярава­сса Баширдул ва Забиратлул арс Султанов Зайнуттин ахиратравун лавгун.

ИвкIуссар учин дакIнил кьамул буллай бакъар, амма ци бан­ссар. Зайнуттин жуятува оьрмулул аргъиравусса чIумал лавгунни. Зай­нуттин кIулманан ва тачIавгу хъамакъаитантIиссар.
ЦIуссаккуллал школагу ххуй­сса кьиматирттащал къуртал бувну, Зай­нуттиннул Аьшттарханнал милицейский школа къуртал був­ссия. Муния махъ, пенсиялийн укка­ннин, зий уссия ЦIуссалакрал РОВД-лий. Оьсса цIуцIаврища ххассал ан къабювхъуну, лавгунни ахиратравун ххаллилсса адамина. Аьпа баннав цал, рухI алжаннул ххари даннав, гьав нурданул дуцIиннав. Ванан бакъамур оьр­му ванал оьрчIан, кулпатран, уссу-ссурвавран булуннав.
Зайнуттиннул бивкIулул кьур­чIишиву кIидачIлай, жижара буллай буру жущалва архIал зузи­сса Сиясатлухь, Зайнуттиннул буттахь, уссу-ссурваврахь, кулпат Оксанахь ва цинявппагу гъан-маччаминнахь.
ЦIуссаккуллал 2-мур
школалул коллектив

———————————

ОЬМАРДУЛ ДУШ ОЬМАРОВА ГАЛИНА

Апрель зурул 10-нний, оьрмулул 62-чинсса шинаву, жуятува личIи хьунни Ккуллал шярава­сса ХIажиев Оьмардул ва Саялил душ Оьмарова Галина.
Галина бувну бур Ккуллал шяраву 1954-ку шинал. Ккуллал дянивмур даражалул школа къуртал байхту, дуклан бувххун бур Къизлардал шагьрулийсса медучилищалувун. Къуртал бувну бур фельдшерско-акушерское отделение. Зун байбивхьуну бур тарбиячину-медсестрану Ккуллал оьрчIал багъраву. Микку 8 шин дурну дур, яла зун бивкIун бур райондалул азарханалий хъунмур медсестрану. Буттал шяраву даву шайхту, лавгун бур акушеркану зун Ккулув. Му даврий зий дурну дур 8 шин.
Яла Галинал кулпат бивзун бур Къизлардайн. Гих му зий бивкIссар Къизлардал муххал ххуллул азарханалий хъунмур медсестрану.
Галина бия гьарца чулуха бювхъусса, авурсса гьайват дусса, дакI-аьмал хъинсса инсан.
Ва лайкь хьуну бур тамансса хIурматрал лишаннан, арцуйну­сса бахшиширттан.
Лавгунни жуява хъин Галина, ххуй Галина, оьрмулул къабув­ччунува. Лавгунни, цила инсаннал, хъамитайпалул буржгу чIявучил дахIалай чинсса даражалий лавхъун. Алжаннул ххари баннав цув, гьаттай нур дизаннав, хIавтI имандалул буцIиннав.
Галинал бивкIулул кьурчIи­шиву кIидачIлай, жижара буллай буру ласнахь, арснахь, душваврахь, миннал наслулухь, уссурваврахь ва махъсса цинявппагу гъан-маччанахь.

ЦIуцIаврил ххяппа дирзун,
ЛахIан бувсса бювхъу чурх
ЖандалуцIа хъанайний,
Жагьаннама жан учав.

Гьарнан бусравсса вил цIа
ЛухIи чарий чирчунни.
Щюлли интнил бургъилу
Бювхъу чурхгу кьавкьунни.
Вил дард духIансса ссавур
Лякьлул оьрчIан дулуннав.
Алжаннуву мусил тах
Винмагу нясив баннав.

Тти бан бюхъайсса бакъар,
Таваккул Аллагьнайнни.
Нуз къатIитIай къатлуву
Абадлий шанай бикIу.

Ккуллал, Къизлардал
ва Шаумяннал жяматрал цIанияту Камилат ХIажиева