ЦIанасса чIумал Аьрасатнаву ишла дуллан бивкIунни хасъсса органнал (исполнительный властьрал федерал органнал, мукунна бюджетрал фондирттал кьатIувсса паччахIлугърал органнал) дуллалисса хIаллихшиннардал хIакъираву агьалинал цалва пикри бусласисса система. Ми хIаллихшиннарду аьркин дагьлагьиминнан къулайшиву дан ишла дуллай бур ттизаманнул технология: сотовый телефонну, интернет.

Амма ми технологияртту цанма хайр ласун ишла дуллай бур жуликтуралгу. Миннал гьан дуллай бур хIаллихшиннарду аьркин дуллалиминначIан личIи-личIисса телефонная ягу кIицI ларгсса органнал кунма чIалачIи був­сса кутIасса номердая смс-ду ци дантIиссарив бусласисса. Мукунсса смс-ду дуркIсса чIумал, личIлулну бикIияра зува хъяврин къахьун.
ДакIний битияра:
1. Исполнительный властьрал федерал органнал ва бюджетрал кьатIувсса хIукуматрал фондирттал органнал гьан дурсса сообщенияртту так паччахIлугърал хIаллихшиннардан кьимат бищияра, миннул хIакъираву зула пикри бусияра тIиссар дикIан бюхъайсса.
ЦукунчIав къадикIайссар арцу дишара тIисса, кIицI ларгсса органнайн оьвчияра тIисса ягу зуятувасса информация булара тIисса сообщенияртту.
2. КIицI ларгсса органнал гьан дурсса сообщениярттай ккаккан дурну дикIайссар па­ччахIлугърал хIаллихшинна дурсса кьини, барз, шин.
Мукунна кутIану ккаккан дурну дикIайссар паччахIлугърал хIаллихшинна дурсса органнал цIа.
3. Исполнительный властьрал федерал органнал ва бюджетрал кьатIувсса хIукуматрал фондирттал органнал смс-ру гьан дай­ссар номердая (чивчуну бикIайссар паччахIлугърал хIаллихшиннардал хIакъираву­сса агьалинал пикрирду кIул буллалисса телефоннал, центрданул операторнал ккаккан був­сса номер). Агьалинал органнан жавабран гьан дурсса смс-ру украссар.