Дагъусттаннал 7-мур Исправительная колониялул (ИК-7) зузалтрал Новое Тюбе поселокрайсса мизитрал вакилтуращал архIал ххал бунни колониялул библиотекалувусса цинявппа диндалул луттирду, миннувух экстремист материаллал федерал сияхIравун дагьлагьисса изданиярттурагу дакъарив кIул баву мурадрай, 7-мур исправительный колониялул хъунаманал хъиривчу, виваллил службалул майор Шяъбан Магьдиевлул бусласимунийн бувну, колониялул хъуниминнал ва Новое Тюбе поселокрайсса мизитрал имамнал кумагчи Шамил ХIажиевлул ххал бувну бур библиотекалувусса ва мизитравусса циняв луттирду.
Экстремист материаллал федерал сияхIравун багьлагьисса луттирду цавагу кIанай къалявкъуну бур. Амма Шамил ХIажиевлул маслихIатрайн бувну, шичча букьан бувну бур, дуснакь бувминнал къабуккирча хъинну чIалачIисса 3 лу.
– 7 мур исправительный колониялий укунсса колониялул зузалтрал ва мизитрал вакилтурал цачIусса мероприятияртту ччя-ччяни дувайссар. Колониялул хъуними хIарачат буллай бур цалва идаралувун экстремист журалул литература къадуххан ва мукунсса луттирду дуснакьраву щябивкIминнал дянив ппив къабуллан, — тIий, буслай ур Шамил ХIажиев.
ДР-лул УФСИН-лул
пресс-служба
