Февраль зурул 2-нний Барият Мурадовал цIанийсса Дагъус­ттаннал культуралул ва искусствалул колледжрал студентътал хьунабавкьунни Дагъусттаннал УФСКН-лул оперуполномоченный, полициялул капитан Надежда Сайпуттиноващал.

А. Аьбдуллаева
«Нет – наркотикам» цIанилу­сса ва мероприятиялул сакиншинначитурал бусласимунийн бувну, жагьилтуращалсса укун­сса хьунабакьавурттая хъунмасса кумаг хъанай бур, ми ва балаллуя арх бан. Хаснува ва оьрмулуву­сса жагьилтал ишла буллай бур наркотикру бахлахиминнал.
Цукун мюхчан хьун аьркин­ссар жагьил цува ва цукун буруччин аьркинссар цалва гъан-маччами наркотикирттацIун бавхIусса иширттая? Чун, щин баян бан аьркинссар наркотикру ишла буллалисса иширттая?
Вай ва цаймигу суаллу гьаз хьунни ва службалул зузалащалсса хьунабакьаврий.
Наркоконтрольданул зузалал ихтилат бунни студентътуращал хIан хIачIан, наркотикру ва психотропный затру ишла дуллан къабучIишиврия я колледжраву, я мунил кьатIув.
— Наркотикирттан ххуллу кьукьаврил масъала хъуннасса къулагъасралун лавсун бур ихтиярду дуруччай органнал бакъасса, жяматралгу.
Ва ишираву гьарица таксса инсаннал биялагу хъунмассар, — кIицI лавгунни оьрчIащалсса ихтилатраву Надежда Сайпу­ттиновал.
Ихтилат къуртал хьуну махъ колледжрал дуклаки оьрчIан ккаккан дунни наркотикирттаясса видеофильм.