Къуртал бувссар Дагъусттаннал С. Стальский цIанийсса педагогикалул институт (цIанасса Дагъусттаннал университет), бувккуссар Москавуллал Литературалул институтрачIасса Лахъсса литературалул курсру.
[pullquote]Расуллул арс МахIаммад-Расул Расулов[/pullquote]
Зий ивкIссар учительну буттал шяраву, Дагъусттаннал луттирду итабакьай идаралул редакторну, хъунама редакторну, директорну?
Зий ивкIссар дахьа цIуну тIивтIусса «ЧIавалачин» журналданул хъунама редакторну.
Дагъусттаннал халкьуннал чичу, филологиялул элмурдал кандидат, СССР-данул печатьрал отличник, С. Стальскийл цIанийсса премиялул лауреат, ацIнияхъайсса прозалул луттирдал автор, литературовед, драматург. Увссар 1936 шинал Дахадаевуллал райондалийсса Оьргърал шяраву.
1 Цукунсса хьуна оьрчIний вийнма яла гужсса асар биян бувсса зат, иш?
ТачIав хъама къабитай, ссуникIурттул къуттакьяпагу бивхьуну, нава цалчинмур классравун увкIсса кьини цинявннал ттуйва буллай бивкIсса тамаша.
2 Цими никирайн дияннинсса кIулли вин вила ппухълуннал нясав?
КIулли шанна никирайн дияннинсса.
3 Инсаннал хасиятраву винна яла ккарккун къаччимур лишан?
Лажин лякъаву.
4 Вила оьрмулуву хьусса яла арши бакъамур шин?
ДакIний дакъар мукунсса шин.
5 Яла арши бумур шин?
Мунил хIакъираву цукуннив тачIав пикри бувну акъара.
6 ВичIара циксса арцу хьувкун, дигьаларгун дикIанссия вил дакI?
Думунийн щукру бувну икIара. Вайкссара ялагу диркIссания, къаоьккину бикIанссия, цайминнайхгу дачIин.
7 Арцу чун харж дуркун, къашара ина пашман?
Аьракьунгу, цадакьалунгу.
8 Чун харж дуркун, шара пашман?
Щарссанингу, любовницангу.
9 Инсаннал тахсирдавасса цумур тахсир хьунссия вища бигьану багъишла битан?
Мюрщи-хъунисса тIулдакъашивуртту.
10 Бувагу къабитан?
Инсан ивчIаву.
11 Ссан диял къашай вил чIун?
Ттулла диялдакъашивурттал пикри бансса.
12 Бартлавгун ччисса вила шанма мурад?
Ттул ца бур мурад – инсантал буссакссанияр ххуй-хъин шаву.
13 Вилва оьрмулуву хъинну ххирасса кIантту бувгьусса шама инсаннал цIа?
АхIмадханнул арс Ибрагьим Шамов, Хулатал арс Муртазяли Рабаданов, ХIимбатлул арс Шамил Аьлиев.
14 Винма ххуй бизайсса хъамитайпалул сурат?
Ттулла щарсса.
15 Вина кьамулсса чув-адаминал сурат?
МахIаммадлул арс Расул МахIаммадов.
16 Агарда бюхъайсса бивкIссания, инава ци кIанттай, ци чIумал увну ва ци билаятрай яхъанай ччива вин?
Так нава увсса кIанттай, увсса чIумал.
17 Ссаяту бикIай вил яла хъунмамур пахру?
ХхюцIаллий мяйра шинал мутталий, щарссанищалгу авкьуну, шанна никирал оьрчIал оьрчIругу буну, инсаншиврий хIалалну яхъанай ушиврия.
18 Цукунсса дур вил виятурасса къарязишиву?
ЧIявусса иширттаву личIлулсса акъашиву.
19 Яла ххирамур дукра?
Къалмухъчяй.
20 Яла къаххирамур дукра?
ЦIуйву бивхьусса нисварти ва помидор.
21 Ссаятусса бикIай яла хъунмамур хIучI?
Лавмартшивриясса.
22 Хьуссарив вил оьрмулуву винна инара ттинин багъишла ритан къахъанахъисса къел?
ДакIний дакъар.
23 Лавгсса заманардавасса цIанихсса инсантуравасса цуманащал хьунаакьин ччива вин?
Лев Толстойлущал ва Михаил Лермонтовлущал.
24 Ци дахчилай дур хIакьину Дагъусттаннахун ххуйнугу, ххаллилнугу ялапар хъананшиврул?
Биял хъанай бакъар жулва ппухълуннал бивкIсса кунмасса яхI-намус. Ча, мунийн бувну, ялун бучIантIимур лайкьсса шаврил цIаний жунма ххяххан бур лавгмунивун.
Суаллал заллу Р. Башаев
