МУСАЛ АРС МУСАЕВ ОЬМАРИ
Январьданул 28-нний, оьрмулул аргъираву (53 шинаву), хархавар бакъа жуятува личIи хьунни цинявннанагу бусравсса, жяматраву хIурмат бусса ххаллилсса зунтталчу Мусаев Оьмари.
Увну ур Оьмари июнь зурул 23-нний 1962 шинал Хьурттал шяраву. Гиккува байбихьулул школданийн дуклан увххун ур. Вайннал кулпат МахIачкъалалив бивзун, шикку Оьмарил къуртал бувну бур дянивмур даражалул школа. Политехнический институтрал строительствалул факультетгу къуртал бувну, хъирив аьрали буржгу лавхъун, зун увххун ур домостроительный комбинатрайн. Цал ОТПК-лул контролерну, БСУ-рай мастерну бетонно-смесительный цехраву мастер-механикну зий уссия. Цалва оьрмулул махъва-махъсса гьантрайнингу гивува зий уссия, «ОАО Махачкалинский домостроительный комбинатрай.
Цалла даву ххуйну кIулсса, грамотнайсса специалист хIисаврайгу, лагма-ялттунащал хIал бавкьусса, дакI-аьмал хъинсса уну тIийгу коллективраву бусраврай, хIурмат буну икIайва. ДакIнийхтуну бивхьусса захIматрахлу лайкь хьуна чIярусса грамотарттан, бахшиширттан.
Оьмари уссия хъунанай ламус ххисса, чIивинай хатир байсса, къашавайнай цIими бусса инсан. Мунал махъ ливчIунни кIива душ. Оьмари ахиратрал шаврил хъуннасса кьурчIишиву кIидачIлай, жижара буллай буру ванал нитти-буттахь, кулпатрахь, душваврахь, уссурваврахь, ссурваврахь, куявтурахь, гъан-маччанахь гьарцаннахьвагу. Гьав нурданул дуцIиннав, алжаннул къапурду тIивтIунма лякъиннав, махънал оьрмурдай барачат бишиннав. Амин!
Хьурттал ва ЧIяйннал жямат
—————————
ДИБИРДУЛ ДУШ СЯИДОВА НАДЕЖДА
Январь зурул 28-нний, оьрмулул 91 шинаву, ахиратравун лавгунни ххаллилсса хъамитайпа, нину, уздансса дакIнил заллу, Ваччиял шяраватусса Дибирдул душ Сяидова Надежда.
Надежда тIисса цIа дирзун дур Дибирдул цалва душнин Надежда Крупскаял цIа лайкь дирзун.
Надежда бувну бур 1925 шинал хIурмат лавайсса Дибирдул ва Асбатлул кулпатраву. Ганил ппу Дибир Сяидов хъанай ур Дагъусттаннал революционер, драматург, шаэр ва «Илчи» кказитрал цалчинсса редактор Гьарун Сяидовлул чIивима уссу, цувагу зий ивкIун ур Дагъусттаннал халкьуннал Земледелиялул комиссарну. Гичча га «халкьуннал душман» тIий дуснакь увну ур. Му иширал чIярусса тIааьндакъашивуртту ялун диян дурну дур ятинну ливчIсса ганал кулпатрайнгу. Тамансса ккавккун бур чIивисса Надеждангу. Дяъвилул шиннардий га зий бивкIун бур телефонисткану. 1947 шинал зий бивкIун бур Главнефтеснабрал Управлениялий договорно-юридический отделдануву.
Ппу реабилитировать увсса 1952 шинал, зий бунува був_ххун, дуклан бивкIун бур Грозный шагьрулийсса нефтяной институтраву. Гагу къуртал бувну бур 1959 шинал. 1961 шиная 1984 шинайн бияннин зий бивкIун бур, диспетчершивруя байбивхьуну, Главнефтеснабрал хъунмур экономист хьуннин.
Бувсса захIматрахлу ва лайкь хьуну бур чIярусса бахшиширттан, барчаллагьрал чагъардан.
Надеждал бивкIулул пашманшиву кIидачIлай буру арснащал Мурадлущал, оьрчIал оьрчIащал, циняв гъан-маччаминнащал!
Цинявннан цIуллу-сагъшиву чIа тIий буру, оьрмурдай барачат бишиннав! Гьав нурданул дуцIиннав! Алжаннул ххари баннав!
Гьарун Сяидовлул цIанийсса организация, Ваччиял жямат
——————
ДакIнийхтунусса кьурчIишиву кIидачIлай, жижара буллай буру Чингизханнул арс Аджиев Азнаурдухь, мунал ххирасса
ссурахъу
аьпалухьхьун лагаврийн бувну.
Цал бунагьирттал аьпа баннав, рухI бигьаний дишиннав.
«Илчи» кказитрал редакция
———————
Хъуннасса кьурчIишивугу кIидачIлай, жижара буллай буру жула зузала Чиндоева Кьабилатлухь ванил аьзизсса уссу
Шайхлул арс Ссамадов МахIаммада
аьпалухьхьун лагаврийн бувну. Цал гьав нурданул дуцIиннав, алжаннул ххари аннав, махънал оьрмурдай барачат бишиннав. Амин!
«Илчи» кказитрал редакция
