КIамахъаллал шяраватусса Мусал ва КIямашрал шяраватусса Марияннул арснал Марселлул ва КIамахъаллал шяраватусса Шамиллул ва Индирал душнил Каринал цIусса кулпат, талихI-тирххандарал дайдихьу-ташу барачат буллай, чIа тIий буру буллугъсса, оьрмурду лахъисса, оьрчIру гьарзасса, бусравсса кулпат хьуннав зул тIий. Дуниялгу паракьатну, муси ссусласисса, сими тIатIлатIисса оьрмулий куннал кув лахъа-хъун буллай битаннав зу ххирасса Заннал.
Жалиндалул кIараллих кIинилул кюру баннав,
Наврузбагнал бакIччаннай оьрму-давлат бацIаннав,
Ца шин зана дикIаннин арснал хъатIуй ккакканнав,
Лагманал эбрат ласлан ххаллилсса кулпат хьуннав.
Цинявппагу зу ххирами
———————————————————————————-
Декабрь зурул 7-нний 60 шин хьунтIиссар Хасавюртлив яхъанахъисса ГьунчIукьатIрал шяравасса МахIаммадлул арс ТIагьиров Русланнун. Жу дакIнийхтуну барча дуллай буру мунал юбилей. ЧIа тIий буру цIакьсса цIуллушиву ва лахъисса оьрму!
Жул ххирасса Руслан! Бартлаганнав вил дакIнийцири мурадру, ххари улланнав ина оьрмулул! ЖучIа вил хIурмат мудангу лахъну буссар ва уттиния тинмайгу бикIантIиссар, жун ина багьу-бизулуву, къуццулуву, гьармуниву эбратну уссара. Щукрулий буссару ина кунасса ппу жуна кьисмат шаврийн, дунияллийцири яла ххуйми буттахъавух инагу уссара. ТалихI, тирхханнурду, хъуни-хъунисса ххаришивуртту вин! Бюхълай личIаннав!
Кулпат Зулайхат,
арсру Адам ва Мурад, душру Амина ва Сидрат, арснал оьрчIру Нэтан ва Сафия
——————————-
Вай гьантрай Хъусращиял жяматрангу бусравсса, чIявучин лакрангу ххуйну кIулсса музыкант ЯхIияев Русланнул ва Индирал кулпатраву хъуннасса ххаришиву хьунни. Вайннал хъунама арснал Артурдул ва Жамилал ташу бунни.
Жу дакIнийхтуну барча буллай буру Артур ва Жамиля, миннал нину-ппу, гъан-маччами.
Яраппи, я Аллагь, зул ташулул кьини талихIсса, лахъисса, цIуллусса, ххаришивуртту чIярусса цачIусса оьрмулул хъин дайдихьу хьуннав. Зул щалвагу оьрму цанная ца рязину, цаннал ца ххари буллай гьаннав. Зул ташулул барачат махъминнайнгу бияннав.
Цинявппагу зу ххирами
