Лакрал театр цIунилгу хьхьичIун­миннувух

diet_9АцIра шинал хьхьичI Аьрасатнал Театрал деятельтурал союзрал ва Москав шагьрулул жяматийсса дахIавурттал комитетрал цачIуну сакин дурну дур щаллагу Аьрасатнал премия «Грани театра масс».

Зулайхат Тахакьаева
Премия дулайсса дур гьаршинах хьхьичIунсса театрализованнайсса проектирдан, конкурсрал гьанулий 9 гьанусса ва 9 частнайсса номинациялий.
АцIра шинал лажиндарай ва премиялун ккаккан дурну дур Аьрасатнал 160 шагьрулиясса ва регионнаясса 350 творческий проект. Мунил цалчинсса лауреат хьуну ур СССР-данул халкьуннал артист, цIанихсса хореограф Игорь Моисеев.
Гьашинусса конкурсраву гьуртту хьуну дур 65 проект. Миннува «Лучший национальный праздник» номинациялий (конкурсрайн гьан дурну дур «Интнил хьхьунил» диск) лауреат хьуну бур Апанни Къапиевлул цIанийсса Лакрал музыкалул ва драмалул театр.
Частныйсса номинациярттай «Лучший художник-постановщик Театра масс» премиялул лауреатътал хьуну бур ДР-лул лайкь хьусса художниктал Аскар Аскаров ва Ибрагьим-халил Ссупиянов.
ДакIнийхтуну барча буллай буру Лакрал театрданул коллектив ирглийсса ххувшаврищал.