ЦIуссалакрал райондалий най дур Совет Союзрал КIийла Виричу АхIмад-Хан Султаннул 95 шинал юбилейран хас дурсса мероприятияртту. Райондалий сакин бунни Виричунал юбилейран хас дурсса давурттаха зунсса сакиншиннарал комитет.

Ва комитетрал каялувшиндаралу октябрь зурул 20-22-ний райондалий хьунни марцIшиву дуручлачисса субботникру. Миннуй гьуртту хьунни райондалул идарарттал, администрациялул зузалт, ЦIуссалакрал шяраваллил администрация ва райондалул спортрал ва жагьилтурал идарартту.
Райондалул майданнивсса парк низамрайн бувцунни «Заманалул чIу» кказитрал ва ЦСОН-далул зузалтрал.
Мукунма, цинявппа ялтту бувккун, марцI бунни шяравусса цинявппа ххуллурду, хIулувхIуну, кIяла бунни мурхьру.
ЦIуссалакрал райондалий уттигу найнна дикIантIиссар Виричунал юбилейран хас дурсса давурттив.