Сентябрьданул 14-нний Ккуллал 2-мур школалий Мурачуев Халидлул гьайкалданучIа хьунни Дагъусттаннал халкьуннал Цашиврул кьинилун хас дурсса «Чувшиврул дарс».
Дарс тIиртIуна тарбиячи Ризванов Кьубанчил. Ванал бувсуна 2-мур школа къуртал бувсса гьунар ххисса оьрчIая: Аьбдул Мурачуевлуя, Аьрасатнал Виричу хьусса Халид Мурачуевлуя, ХIамзат Даххаевлуя. Ширвани Мурачуевлуя бувсуна школалул директор Мурачуев Аьбдуллул.
Даххаев ХIамзатлул, 11-мур классрал дуклаки оьрчIал, бувсуна, цалва жагьилсса оьрму Ватандалухлу харж бувсса, цанна мунал цIагу дуллусса, цала буттауссу Даххаев ХIамзатлуя.
Аьрасатнал Виричу Мурачуев Халидлуя бувсуна школалий оьрус мазрал дарс дихьлахьисса Мурачуева Сапижатлул. Ванил бувсмунил лагманал иттав макьгума дучIан дуруна.
Мурачуев Ширваниная бувсуна ванал буттауссу Мурачуев ХIажинал, дарсирай унива хъунанал хIурматгу, чIивинах аякьагу дусса, ас-ламусрал увччусса, гьарзатраву гьунар бусса оьрчI ивкIшиву.
Мурачуев Аьбдуллул чIурчIав дуруна Авгъаннал дяъвилувугу Ккуллал жагьилтурал чIявуссаннал орденну ва медаллу ларсшиву ларсшиву, цивппа чув бухьурчагу, жулва оьрчIал хьхьичIунсса кIанттурду бувгьушиву.
Хъирив 7 «а» классрал ва 5 «а» классрал дуклаки оьрчIал ккаккан дурна хъун дакъасса концерт.
С. Кьаллаева,
Ккуллал 2-мур школданул хъунмур вожатая
