Дагъусттаннай Роспотребнадзорданул управлениялул дуллалисса мониторинграл ккаккиярттайн бувну, цIанасса ппурттуву республикалий ОРВИ гриппрал къашавайшиврун хасъсса тагьар эпидемия хьунсса куннасса дакъар. Республикалий сияхIрайн лавсун ур 847 ОРВИ-лул къашавай хьусса инсан.
ХIасан Аьдилов
МахIачкъалалив 38 нюжмардий сияхIрайн лавсун ур 298 къашайшала, яни 10 азара инсаннан 4,2, миннавату 14 шинавун бияннинсса 191 оьрчI бур. Ми цифрардал буслай бур эпидемиялул шачIанттучIан къадирну душиву грипп ппив шаврил тагьар.
Ларгсса нюжмардий парагриппрал къашавай хьуну ур 2 инсан.
Гриппрал профилактикалунсса чаран хъанахъиссар циняв агьалинан вакцинация баву. ЛяличIину вакциналул ххалаххив бан аьркинссар 6 барз хьуния махъсса къашавайсса оьрчIан, хъунив хьуминнан, медициналул зузалтран, учительтуран, студентътуран ва цайминнангу.
ЦIанасса ппурттуву, дяркъурду хьун хьхьичI, гриппрайн къаршисса вакцинарду буллай бур. Республикалийн бучIан бувну бур 214 азарва доза «Грипп плюс» вакциналул. Сентябрьданул 18-нин ххалаххив бувну бур 152 азаллий 233 оьрчIан.
Роспотребнадзорданул управлениялул маслихIатну ккаклай бур организациярдал каялувчитурайн, республикалул календарьданий ккаккан къабувсса зузалтран организациялул счетрайну вакциналул ххалаххив буллан хIадур хьун.
