ПилмахIаммадлул душ Дибирова АтIа
Августрал 24-нний, захIматсса цIуцIаврища ххассал къавхьуну, оьрмулул 88 шинаву жуятува лавгунни хъунмасса хIаллай Гъумук райкомрай, яла Анжилийн бивзун махъгу, чIярусса шиннардий республикалул ГАИ-лий, Дагъусттаннал проектный
институтраву зий оьрму лавгсса Дибирова АтIа ПилмахIаммадлул душ. Му бия хъинну захIмат бувайсса, даврий бикIу, цила ужагърай бикIу, гьарцаннал хIурмат бувайсса, ци чулуха, щин ци бан хъинавав тIисса инсан.
Хъунмасса барчаллагь учин ччай ура жул кьурчIишиву кIидачIин, жул чIарав бацIан бувкIсса Гъумучиял, Ххюлуссуннал жяматрахь, Республикалул ГИБДД-лул ва Проектный институтрал зузалтрахь.
Зул оьрмурдай барачат бишиннав.
Дибиров Кьурбан
Жан дуллалисса
ниттиха…
Жиг дартIсса вил кару
тти дяхълай дурхха,
Кьаитавай дурав нагу ятинну?
Лажинни, ттул нину, тIитIа ми яру,
Ина учин ччимур буккин
шай ххал бан.
Заннал кумаграйну
чансса тIивтIуна,
Амма учин ччимур
буккин къавхьуна:
КIирисса цIарал тур
ттул чурххайн щуна
Вища дан къархьукун
дан ччисса жуав.
Ххира-ххуй ялагу инагу дурну,
Лавгра на га хьхьуну,
вийн ппайгу куну,
КIюрххил ина сагъну
ккаккан умудрай,
Бигьасса хьхьу даннав
махънахьгу куну.
КъадарцIунна ина
кIюрх дучIаннингу,
Ччясса манзилданий
дуллунни жангу.
Жалин гьухъа кунма,
лавххун суругу,
Алжаннавун дачин
ссапар бавхIунни.
КIучI дував на ина,
аьзизсса нинуй,
Чят дував вил гьавгу
кьурчIисса мукьай.
Ура луглай лагма
халкьуннал дянив,
Ина ттунна хьунадакьинсса кунна.
МурчIинан дунъяллул чанинияргу
Вих мякьну ура на,
ина ккаккан ччай,
Цири ттун дунъялгу, цири чанигу,
Вил иминсса симан
тти ххал къашайни.
