Къизлардал райондалул бакIчи Андрей Виноградовлул хIакъиравусса Москавуллал Басманный судрал заседаниялий следовательнал бувсунни Андрей Виноградов кIира кIусса тахсиркаршиву дурсса ярагъуннищалсса кьюкьлун арцу дуллай ивкIшиву Следовательнал тавакъю бунни судрахь Виноградов ихтиярду дуруччай органнавусса ва властьрал органнавусса кIулшивурттайхчIин бардулт нигьа бусан къабуллан, мукунма жаваблувшиннарайн къауцин цайва тахсир бушиврул хIуччарду кIучI къабан, му кIива зуруйсса дуснакь увара куну.

А. Аьбдуллаева
Къизлардал райондалул бакI­чинай шанма статьялийн багьлагьисса тахсир ккаклай бур: их­тиярду дуруччай органнал зузалтрал оьрмулийн кьаст лахIаву, инсантал литIаву, терроризмалул ххуллийх наниминнан арцуйну кумаг баву.
Силистталул Виноградов ми тахсиркаршивурттал сакиншинначину акъассагу, кумагчинугу ккаклай ур.
Ва уголовное делолувух хIа­лану бур Дагъусттаннал халкьуннал Мажлисрал депутатътал Са­гид Муртазалиев ва Оьмар Асадуллаев.
Силистталун вайннайн щалагу дунияллийх розыск баян бансса пикри бур.
Итни кьини ФСБ-лул ва Силистталул комитетрал зузалтрал цачIу Виноградов угьансса операция бунни. ЦIухла бивхьунни мунал къатраву. Виноградов цува кIицI ларгсса тахсиркаршивурттавух хIала акъашиву буслай ур.
— Боевиктуращал ва террорданул иширттащал ттул цукунчIавсса дахIаву дакъассар, на Къизлардал райондалул бакIчира, патриотра, — тIий ур Андрей Виноградов.