ЦIуссалакрал райондалул антитеррористическая комиссиялул аппаратрал зузалтрал, райондалул ихтиярду дуруччай органнал зузалтращал архIал ва шяраваллил АТК-лул председательтуращал цачIу мюнпатсса ихтилатру буллай бур радикал экстремизмалул ххяппурттахьхьун биривминнащал.
БакIра-бакIрах оьвкуну, бяйкьу ххуллийх най чIалачIиминнащал цивппа кIаланнувун багьну най бушиву бувчIин буллалисса ихтилатру буллай бур. Райондалул хъунаманал хъиривчу ХIайдарбаг Мусаевлул тIийкун, экстремизмалущал ва терроризмалущал талатаврил ца хъинмур ххуллу-чаранни профилактика, ми балардая агьали байщун буллалисса, миннул мусиватрая бусласисса. Къаххуйсса идеологиялул щатIахьхьун биривми бакIрай бацIан буллалисса давурттахгу къулагъас хъун дуллай бур райондалий.
