Жижара

jijjr_1СУРХАЙЛ ДУШ МУХIАДОВА (БАВАСУЛАЙ­МАНОВА) РУКЬИЖАТ

Гъидайдихьулул зурул 15-чинсса кьини, оьрмулул 91 шинаву, аьпалухьхьун лавгунни ххишала бакъа дакI-аьмал ххуйсса, мукъурттий бакъа, дакIнийхтуну буттахъал минагу, лакрал миллатгу ххирасса, Бавасулайманхъал Сурхайл душ Рукьижат.

Рукьижат бувну бур 1923 шинал август зуруй Гъумучиял шяраву, уздансса Сурхайл ва Сакинатлул кулпатраву. Ванин буттал лажин ккарккун дакъар. 1935 шинал, 5-мур классраву дуклакисса душ, Москавлий колхозниктурал съездрайн тIайла бувккун бур, бюрчурдиха ххуйну къуллугъ буллай буну тIий. М. Калининнул ванин патефон пишкаш бувну бур. Тара шинал, отличница хIисаврай, Артек­райнгу гьан бувну бур.
Ва ххаллилсса зунттал хъамитайпалун «Илчи» кказитгу дакIнийхтуну ххирая, цинма бакъа ванил «Илчи» цайминнангу чичайва 10-хъул.
Ванин хъинну ххирая Гьарун Саэдов, Ибрагьимхалил Кьурбанаьлиев, Рашкъуев. ДакIних кIула миннал балайрдугу. Мудангу «Илчи» кказитрал чIарав бацIайва. Рукьижатлул бивкIулул хавар щалвагу жул коллективран кьурчIи бивзунни.
Рукьижат бия дяъвилул ва захIматрал ветеран. Ванил цила ласнащал 4 арс, 1 душ хъунигу бувну, дуккин бувну чивун бу­ккан бунни.
Рукьижат циняннанмагу ххира хьунсса дакIнил заллу бия.
Рукьижатлул бивкIулул кьур­чIишиву кIидачIлай, жижара буллай буру ванил арсурваврахь, душнихь, цинявппагу гъан-маччаминнахь. Цил рухI алжаннул ххари даннав, гьав нурданул дуцIиннав. Укунсса дакIнил агьлу чIяву баннав.
«Илчи» кказитрал редакция
Гъумучиял, Гьухъаллал, Хьурттал жямат

—————————————

jijjr_2Июньдалул 26-нний, хар-хавар бакъа ялун дирсса азардануща ххассал бан къавхьуну, жула ялату лавгунни гьарца инсаннал чIарав бацIан мудан хIадурну бивкIсса ххаллилсса хъамитайпа, Гъумучиял щала жяматран бусравсса, дакIгу, кагу тIиртIусса,
ЧIивиева Написат АьвдурахIманнул душ.
Муних аьтIий ливчIунни, лас, оьрчIру, уссурссу бакъассагу, ЧIилайннал щалва жямат.
Написатлул бивкIулул кьур­чIишиву кIидачIлай, жижара буллай буру мунил ласнахь, арсурваврахь, уссурссуннахь.
Вин Алжан нясив баннав, ххирасса Написат. Вил гьав нурданул дуцIиннав!
Роза Бавасулайманова