Майрал 25-нний Лакрал райондалийсса Ккурккуллал школалул 9-мур классрал оьрчIру бувкIун бия Ккуллал райондалийн экскурсиялий.
Вай кIул хьуна Ккуллал райондалул музейравусса экспонатирттащал, цIуну тIивтIусса Вирттаврал аллеялущал ва райондалий хъанахъисса дахханашивурттащал. Вай райондалущал кIул буллай занай бия Ккуллал райондалул администрациялул къуллугъчи Надежда ХIажиева. Ккуллал райондалия бувксса вирттаврал, Ваччав майданнивсса АхIмад-Хан Султаннул ва ЧIяйннал шяраваллил шанбачIулийсса ЦIаххуй Маккаевлул гьайкаллачIа бархъаллал къячIаву дирхьусса сиреньдалул кацIру бивхьуна.
Дуклаки оьрчIащал бия Ккурккуллал школалул директор Даниял Магьдиев, школалул завуч Кьурбан Гузиев, школалул биологиялул учитель Аьбдулвагьаб Магьдиев, Ккурккуллал шяраваллил бакIчи Сабир Буттаев. Вайннал гьайкаллал хьхьичI оьрчIахь бувсуна цукунсса чувшивуртту дурну диркIссарив АхIмад-Хан Султаннул ва ЦIаххуй Маккаевлул дяъвилул шиннардий.
ОьрчIру рязину ливчIунни экскурсиялия.
