Шагьрулул бакIчинал буржру чIумуйну щаллу буллалисса МахIаммад Сулаймановлул амрулийн бувну, МахIачкъалалия Каспийскалийнсса бухмур паччахI ххуллуцI чани лавхъсса тталлу баххана буллалисса ва бакъасса кIанттурдай цIусса тталлу цIакь буллалисса давурттив дайдирхьуну дур.
З. АьбдурахIманова
Аьмну бувагу чани къалахъайсса ххуллул манзил бусса бур 3 километр. Ххуллу цуппа бур кIивагу шагьрулул халкьуннан агьамсса, куклу машинарду бакъасса, жяматрансса транспортгу заназисса. Утти шичча занантIиссар МахIачкъалалия итабавкьусса пассажиртурансса «Нефаз» автобусругу.
Вай давурттив дуллай бур «Городская аварийно-ремонтная служба» МКУ-рал ва «МРСК Северного Кавказа» ОАО-лул зузалт.
Ххуллу чанна лахъан бувантIисса тталлай дишин тIий бусса бур ттукI чIявусса харж къабувайсса уттизаманнул фонарьду.
