2015 шиная тIайла хьуну, страховой пенсияртту ххи бантIиссар (индексация) пенсиярттал баллданул багьлул индексациялийхчил. 2015 шинал январьданул 1-нния тIайла хьуну ганил багьа хьунтIиссар 64,1 къуруш. Аьрасатнал Пенсиярттал Фондрал бюджетраву ккаккан дурну дур коэффициентрал багьлул индексациялунсса харжлугъру 2015 шинал февральданул 1-нния тIайла хьуну 7,5%. Амма баллданул багьа ххи бантIиссар 2014 шинал иширайну багьри ххира шаврийну хьусса индексрах бурувгун – 9,8% (миксса хьунссар тIий бур).

ХIасан Аьдилов
Страховой пенсиялущал архIал иширайну хьусса инфляциялух бурувгун февральданул 1-нний ххи бантIиссар ганицIунсса фиксированная выплата (ва хъанахъиссар цIанасса фиксированный базовый размерданул аналог). Ми ххи бавуртту дурну махъ 2015 шинал хъунив хьуминнал дянивну лавгсса шинал пенсиялул дуцин хьунтIиссар 12 азаллий 422 къуруш.
Апрельданул 1-нний пенсионернал прожиточный минимумрал индексрах бурувгун – 11,9%-яр къачансса – ххи бантIиссар социал пенсияр­ттугу (инвалидтуралсса). Ми ххи бувну махъ 2015 шинал дянивну лавсъсса ца шинал социал пенсия хьунтIиссар 8 азаллий 255 къуруш. Апрельданул 1-нний ЕДВ (единовременная денежная выплата) ххи бантIиссар 5,5 процентрал.
2015 шинал январьданул 1-нний ххи дуллалиссар ни­ттил капитал ва ххи дурукун му хьунтIиссар 453 азаллий 26 къуруш. Ми хъанахъиссар 2014 шиналмуних бурувгун 23,6 азарда къуруш ххишаласса. Ниттил капитал ишла даврил шартIру хьхьичIрамира личIлачIиссар: кулпатрал тIювалул тагьар ххуй даву, оьрчIру дуккин баву, ни­ттил пенсия хъун баву.