Уттигъанну Ккуллал райондалул Ваччавсса Досуговый центрдануву уттарашинна дия. Ва кьини шикку кIицI лаглай бия 3 байран: 1-мур – райондалий учительтурал дянив хьусса «Шинал учитель-2014» конкурсраву ххув хьуми барча буллалисса; 2-мур – Культуралул шинал цалла дурсса давурттавасса язими номерду ккаккан буллалисса райондалул культуралул зузалтрал концерт; 3-мур – Аьрасатнал Конституциялул кьини хьунадакьлакьисса.

ХIажимурад ХIусайнов
Ккуллал райондалул бакIчи Сулайманов Сяидлул барча бувуна бяст-ччаллаву ххув хьусса ва гьуртту хьусса учительтал, дуллуна миннан бахшишру, кубокру. КIилчинмур кIану бувгьусса Хъювхъиял шяраваллил учительница Кьурбанова Софиятлун 30 азаруннинсса сертификат, шамулчинмур кIану бувгьусса Ккуллал 1-мур школалул учительница Тариева Шамайн 20 азаруннинсса сертификат дуллунни. Цалчинмур кIану бувгьусса Ккуллал 2-мур школалул учитель Мурачуев Рамазаннун 50 азаруннинсса сертификат дуллунни. Га кьини Рамазан цува, зональный этапрай гьуртту хъанай ушиврийн бувну, шикку акъая. Конкурсравух гьуртту хьусса махъсса учительталгу хъамакъабивтун, миннангу Барчаллагьрал чагъарду ва дакIний личIансса бахшишру дуллуна.
Хъирив райондалул культуралул зузалтрал ккаккан дунни хъуннасса концерт