2009 шинал Н. Д. Джавадовлун пикри хьуну бур цайминнащал икьрал дурну оьрмулуцIа ан МахIарамккантуллал райондалул бакIчи А.И. ХIажиев.
Н.Д. Джавадовлун ххуй къабизлай бивкIун бур «Ярагъ-Казмаляр» таможнялул пункт­рачIату арх дакъа дирхьусса, цалла ишбажаранчишиву дуллалисса объектру райондалул бакIчинал ччя-ччяни ххал дуллалаву. Мунияту кьисас ласун пикри хьуну бур.
Джавадовлул цана кIулсса Г. М. ХIажибековлухь 1 500 000 къурушран му даву данма лякъи увкуну бур. Ваналгу му даву дан тапшур бувну бур И. Р. ХIасанхIусайниевлуйн, бакIрайра 200 000 къурушгу дуллуну. Гайми арцу райондалул бакIчи ивкIуну махъ дулун куну бур.
И. Р. ХIасанхIусайниевлулгу, райондалул бакIчинацIухсса цанма бан къаччай, му иш цана кIулсса К. И. МахIаммадовлухун бувтун бур. Яла ХIасанхIусайниевлул цаннащал ца кIул бувну бур К. И. МахIаммадов ва Г. М. ХIажибеков. Миккува му тахсиркаршиву цукун данссарив маслихIатгу щавщун бур. Райондалул бакIчи А. И. ХIажиев оьрмулуцIа ан цаймигу инсантал кIункIу бувну бур.
Му ивчIан тапшур бувну бур Р. М. АхIмадовлуйн. 2009 шинал ноябрь зурул 30-нний, ссят 6.00 хьусса чIумал Р. М. АхIмадовлул МахIачкъалалив Шамиллул цIанийсса кIичIираву, №101 «е» къатрал чIарав Калашниковлул автоматрава бивтун увтун ур А.И. ХIажиев. Му даву дурну тIий, мунан 1 00000 миллион буллуну бур заказчиктурал.
И.Р. ХIасанхIусай­ниев­лущаллив суд булланнин хьхьичI икьрал дурну дур органнан кумаг буллан. ЦIубутIуй силистта дачин дурсса органнал И. Р. ХIасанхIусайниевлуй АьФ-лул УК-рал 33-мур статьялул 5-мур бутIуйн (п.а. «ж», «з») ва 105-мур статьялул 2-мур бутIуйн багьлагьисса тахсир ккавккун бур. МахIачкъалаллал Ленинский райондалул судрал 2011 шинал 18-мур сентябрьданий ХIасанхIусайниевлуй АьФ-лул УК-рал 33-мур статьялул 5-мур бутIуйн (п.п. «ж», «з») ва 105-мур статьялул 2-мур бутIуйн бувсса тахсир ккавккун, му 8 шинал дуснакь ансса хIукму кьувкьуну бур. Му ца шинайсса кьянкьасса низам дусса исправительный колониялий щяитан куну бур.
МахIачкъалаллал Ленинский райондалул прокурорнал хъунама кумагчи
Ю. Ш. Шахбанов
ХIадур бувссар
А. Аьбдуллаевал