ДучIиннал школалул бусравсса учитель, АьФ-лул аьмсса кIулшивуртту дулаврил хIурматлувсса зузала, цалва оьрму ххишала бакъа жаваблувсса учительнал пишалуцIун бавхIуну, сайки 40 шинай ва даврий захIмат бихьлахьисса МахIаммадов МахIаммад Неъматуллаевич дакIнийхтуну барча уллай буру Учительнал кьинилущал.
Дуклаки оьрчIачIа, архIал зузиминначIа акъассагу, МахIаммад Неъматуллаевич бусравну ур шяраваллил жяматрачIагу. Цува зузисса школалийгу цимигу никиран ххира хьусса, цикссагу дуклаки оьрчIру оьрмулул ххуллийн тIайла бувксса учитель ур ва. ХIакьинусса кьинигу школалий ванал гьурттушинна къадурсса царагу мероприятие къашай.
ЧIа тIий буру МахIаммад Неъматуллаевичлун уттигу чIярусса шиннардий цанна ххира хьусса даврий зунсса цIуллушиву ва гьавас!
Учительтурал коллектив
ва дуклаки оьрчIру
——————————————-
Сентябрь зурул 30-нний бувну бур ххаллилсса учитель ва тарбиячи, ДР-лул ва АьФ-лул кIулшивуртту дулаврил отличник, захIматрал ветеран Аьбдулгъапурова Аьжа ХIусайновна.
Ниттил бувсса кьинилущалгу, Учительнал байрандалущалгу барча буллай, чIа тIий буру вин, Аьжа ХIусайновнай, цIуллушиву, ххаришивуртту, тIайлабацIу. Вил захIмат гьар мудангу дузрайн буккаваннав, дакIнил ццихь къаучиннав.
Дустал, даврил уртакьтал
——————————————-
ЧIярусса шиннардий Кумиял школалий зий, оьрчIангу, миннал нитти-буттангу бусрав хьусса, архIал зузиминначIагу хIурматрайсса учительница, ДР-лул лайкь хьусса учитель
Оьмариева Равзат ХIажибуттаевна дакIнийхтуну барча буллай буру Учительнал байрандалущал.
ЧIа тIий буру ванин бигьа дакъасса учительнал давриву тIайлабацIу ва ссавур, оьрмулуву ххаришивуртту, ичIура нахIу-хIалимшиву. ДакIниймур бартлаглай, оьрчIал ххари буллай личIаннав бусса оьрмулий.
Цинявппагу ина ххирами
