Тай шиннардий къатри хIулухIин кIяласса синааьрщи ишла дувайва, мигу ччи-ччиний къадикIайва. Мунихлуну кIяласса синааьрщарал хъирив жул шярава Дахадаевский райондалийсса Дуакаратусса жагьилтал 30-40 километралул манзилданийсса Ахъушиял райондалийн лагайва.

Жу ттукрайяв лагайсса аьрщарал хъирив, чIявучин ин­ттухунмайяв ххуллийн буккай­ссагу. Нани ххуллий чIярусса шяраваллурду бакIрайн дагьайва, жу ккаккайхту, агьали «къавтIун бизияра!» тIун бикIайва хорданий кунма, жугу къавтIий булукьайссияв. Ссал буруккин бикIайва жагьилний бакIурдиву, тяхъашиву, ссувхIат, бала-гьалайрду. Буххаву, бавчIаву хIисав къашайва, щала ххуллийх тяхъану, шадну бачайссияв.
Хъинну дакIний бакъар, 1973 ягу 1974 шин дунуккива. Жу кIялааьрщарал чуваллу буцIлай бунува, жучIан гъан хьуна жагьилсса душваврал группа. КIул хьуна ми 1-мур ЦIувкIратусса бушиву. Миннул дянив ца зирангсса, кка­ккан ххуйсса душ бия, жу кIул хьуру, дустал хьуру. Му душнин цIа дия ПатIимат. Жу ухьун­ссияв 20-30 инсан, ми ца ацIва душ бия.
ПатIимат ва на куннийн кув чагъарду чичлай бивкIру. Суратругу гьан дайссия. Ва суратгу ПатIиматлул ттучIан гьан дурсса суратри, мунил махъ дур укунсса чичру: «Ччарча ядува, ччарча вацIанара ххядукки. Ххуйсса цамур сурат гьан дуванна. Патя Рамазанова».
Ва сурат хIакьинунин на ттула альбомраву ядував, дусъсса душгу ттул дакIниву буссар. Ттун му лякъин ччай бур. Суратрай цуппа бувчIайхту, ттуйн хавар банссар тIий бура. Медицинскийлувун дуклан бувхсса хавар бия, тания махъ жул дахIаврил ххал дурцуна, амма му тачIав дакIния къабуккай.
Чича, ттул дус, ПатIимат, «Илчи» кказитрайн, ягу «Замана» кказитрайн. На зий бура «Заманалул» редакциялий.
ПатIимат Кьурбанова