Дагъусттан Республикалул приоритетми (яла хьхьичIунми, агьамми) проектру хъанахъиссар: Экономика «чаннайн дуккан даву»;
Дагъусттан Республикалул хьхьичIуннай итххяххан даврил дайдихьу дузал даву;
Дагъусттаннайн инвестициярду дучIан дуллалаву;
ЦIусса индустриализация;
Мюнпатсса паччахIлугърал каялувшиву;
Территорияртту мюнпатну зузи даву;
Мюнпатсса агропромышленностьрал комплекс;
Дагъусттаннал цIусса бренд;
Инсаннал капитал;
Дагъусттаннай аьдлу-низам ва мюхчаншиву;
Экономика чаннайн дуккан даврил мурад хъанахъиссар:
налогру датIаврил ккаккия СКФО-рал дянивну ларсъсса ккаккиялучIан диян даву (ВРП-рал 10%):
КIанттул налогру дишайсса луртан гьарза даву чанна-чанну кIийлла;
Зузисса инсантурал доходирттаясса налогру 2013 шинал 1,2-лла гьарза даву;
ЯлундукIулун (прибыль) дишайсса налогирттал луртан (база)1,5-нияр ххишалану гьарза даву.
Му проект дузрайн дуккан даврил хIакъираву
Му проект дузрайн дуккан даншиврул хIарачат буллай бур хъуслил, кьай-кьуйлул, аьрщарал парчрал инвентаризация дан, тIайла дацIан дуллай бур налогру дулайминнал ккаккияртту. ЦIакь дуллай бур ведомстварттал дянивсса хIала-гьурттушивуртту, дахIавуртту.
Предприятиярттал захIматрал хIакьлил, харжирдал фонд чаннайн буккан баврил хIакъираву информациялул даву дачин дурну дур предприятиярттал каялувчитуращал, агьалинал харжру чаннайн буккан баврил пропаганда дуллай.
ДР-лул УФНС-рал ккаккиярттайн бувну, 2013 шинал январь-октябрь зурдардий бюджетрал системалувун дартIун дур налогирттал 16156,8 млн. къурушру. ДукIумур шинал гара чIумух бурувгун ми 7,5 проектрал ххишалассар. Хаснура ххишалану дартIун дур хьхьичIми шиннардий «ххютулу» бивкIми бутIраву (чахирданул, пивалул, хIанттил, спиртрал акцизру кIилий ххишала ххира хьуну бур, бензиндалул ва дизельданул ччуччия – 1,4-ла налогру, сборду ва тIабиаьтрал луртанну ишла даврихлу дартIсса арцу – сайки 50-ла).
Ва проектрал яла агьаммур масъала хъанахъиссар республикалул экономикалул ххютулумур бутIа чан личIан баву.
Хъиривми номердай бусанну лирчIми проектру дузрайн дуккан даврил хIакъираву.
