Марсрайнсса ва махъунмайсса ххуллул манзил кIира шинайсса бур. КIул бан аьркинни, цими инсан цачIу гьан аьркинссарив тиккун. Ца цувалу къабучIир – бизар хъананссар. КIиннангу къабучIир – ца зурувату гай цаннан ца ккавккун къаччантIиссар.
Шама цачIугу къабучIиссар, цанчирча психологтурал маслихIатирттайн бувну, ца зурувату тайннавасса кIия ца хьуну, цаннайн къарши буккайссар. Мунияту 4 цачIу гьарча хъинссар. Экипажрал ца инсаннан гьарца кьинилунсса дукиялул ва муму-тамунил луртан хъанай дур 10 килорал кIушиврийсса. Мунийн бувну Марсрайнсса ссапарданийн ласун аьркинни 500 килораяр чан дакъасса кьай-кьуй.[pullquote]Марс – Бургъияту архшиврийну 4-мурну, лагру хIисавну 7-мурну хъанахъисса Бургъил системалувусса планетар. Ганил лагру дур Аьрщарал лагрулул 10,7%. Марсрай буссар ххялтIа бувксса атмосфера (гьава), давление 160-лийла аьрщарайнияр чанссар. Марсрай буссар вулканну, мукунма аьрщарай кунмасса микIирал кьяпри. НАСА-лул ккаккиярттайн бувну (2004 шин), дянивну ларсъсса температура тикку дуссар 63 градус С. Марсрал дуссар 2 цила тIабиаьтрайнусса спутник – Фобос ва Деймос.[/pullquote] «Марс Один» тIисса Голландиянал компаниялул баян бувну бур 2023 шинал Марсрайн 40 инсан тIайла уккансса ният душиву, гай циняв тийхва личIансса пикригу бушиву. Компания мукIру хьуну бур, ми цинярда планну 2011 шинал январьдания шиннай кьюлтIну хIадур дуллай бивкIшиву ва миннуя баян бувну бушиву техникалул ва арцул чулуха щаллу хьусса чIумал. 2013 шинал байбишинтIиссар Марсрайн бизан бансса инсантал батIул буллай. Хъиривмур шинал хIадур дуллантIиссар тихун гьансса дахIавурттал спутник ва «щаллу баврил миссия» («миссия обеспечения»). Спутникрал кумаграйну тихун бизлазиминнал аьрщаращалсса дахIаву щаллу дуллантIиссар, «щаллу баврил миссиялул» тIурча Марсрайн диян дантIиссар тихун инсантал бияннинма тийх аьркин дуллансса 2,5 тонна кьай-кьуйлул. «Марс Одиндалул» хъунмасса умуд бихьлай бур 3D принтердайн, миннул кумаграйну тихун наниминнал цивппа щаллу буллантIиссар аьркинсса ярагъуннил ва цаймигу затирттал. 2016 шинал дахIаврил спутник дуккан дантIиссар Марсрал чIаравсса орбиталийн, гара шинал Марсрай ликкантIиссар хъус духхайсса модул, щаллу баврил миссиялущал цачIу. 2018 шинал Марсрай ликкантIиссар робот-разведчик, ганил ххал бантIиссар мугьажиртал ликкансса кIану. 2021 шинал Марсрайн бизан хIадур шаврин хасъсса давуртту къуртал хьу­н­­­тIиссар. КIа планеталий лик­ка­нтIиссар 6 «хъус духхай» аппарат: кIива яхьунсса къат­ра­ща­лсса , кIива оьрму щаллу ба­н­­сса модуллащалсса, ца-мюрш-кьюршсса кьай-кьуйлущалсса ва ца-кIилчинмур роботращалсса.[pullquote]Совет Союзрал итабавкьуну бивкIсса модуль «Марс-3» 1973 шинал Марсрайн бивсса цалчинмур объект хьуссар. Амма ганищалсса дахIаву зия хьуссар ливккун ца минутIравату.[/pullquote] Ми кIива роботрал Марсрай дантIиссар ссихIирал пурш лахъан бувсса къатрал «шяравалу». 2022 шинал гайра роботирттал щаллу дантIиссар шяраву щин ва гьава буккан буллансса аппаратру зузи бансса давуртту. Гара 2022 шинал сентябрьданий цалчинми му­кьа инсан­нащалсса комплекс леххантIиссар Марсрайн, 2023 шинал тиккун бияншиврул. Яла кIира шинавату ЯтIул планеталийн гьантIиссар мукьа инсанная хьусса «кIилчинмур Марсиантурал кома­нда», гагу хьхьичIва бувкIмин­нащал хIала-гьуртту хьунтIиссар.

КIира шинавату ЯтIул планеталийн гьантIиссар ялагу мукьа инсанная хьу­сса «шамулчинмур Мар­слан­турал команда». Му куццуй тиккун лехла­нтIиссар кIира шинавату ца команда, Марсрай 40 инсан хьунцIа.