ДР-лул КIулшиву дулаврил ва элмулул министерствалул ва педагогикалул кадрардал пишакаршиву ларай дайсса Дагъусттаннал институтрал сипталийну, республикалул лавайми классирттал дуклаки оьрчIал дянив хьун тIий дур «Лучший проект на иностранном языке» конкурс.

Бадрижамал Аьлиева
Конкурсрайн кьамул дуллай бур дуклаки оьрчIал цаллалу чирчусса давурттив. Давурттив чичинсса темарду дур личIи-личIийсса: «Проблемы современной молодежи и их решение»; «Создание блога в интернете «Моя школа»; «Одинокие дети и их адаптация в современном мире»; «Будущее моей Республики Дагестан»; «Как разнообразен мир» ва чIярусса цаймигу.
Давуртту кьамул дуллай бур цаппарасса журардай: видеороликирттал, видеофильмардал, таблицардал, схемардал, альбомрал, радиолул ва телепередачалул сценарийрдал ва м.ц.
Ва конкурсрал хъунмур тIалавшинна дур чил хIукуматрал маз кIулну бикIаву ва ванивух гьуртту хьун оьвтIий бур 9-11-ми классирттал дуклаки оьрчIайн.
Конкурс гьан тIий дур этапирттай. Цалчинмур, школалулмур, этап хьунтIиссар январьданул 10-нния 31-ннийн дияннин. КIилчинмур –райондалулмур, шагьрулулмур хьунтIиссар февральданул 10-нния мартрал 7-ннийн дияннин, шамилчинмургу – республикалулмур, апрельданул 20-нния 30-ннийн дияннин. Райондалул, шагьрулул лагрулий ва конкурсраву хьхьичIун ливчуминнал давурттив кьамул дуллан тIий бур педагогикалул кадрардал пишакаршиву ларай даврил Дагъусттаннал институтраву апрельданул 1-ннийн бияннин. Шамилчинмур этаправух гьуртту хьунтIиссар хьхьичIми этапирттаву мазрал номинациярдаву ххув хьуми (ингилис, ламса, паланг – анг., нем., франц.)
Конкурсрал агьамми мурадру бур оьрчIаву интеллектуал творчество хьхьичIуннай даву, итххявхсса, гьунар бусса оьрчIру ялун личин баву, республикалул элмийсса хъиривлаявурттал оьрмулувух дуклаки оьрчIру гьуртту хъанахъаву, дуккаврил идарарттал опыт, дуклаки оьрчIал хьхьичIунсса давурттив машгьур даву ва м.ц.