Впервые с 2012года в рамках республиканской целевой программы «Сохранение и развитиепрофессионального исскуства и народного творчества Дагестана на 2011-2015 годы» присудили Премию «Душа Дагестана» по аналогии с обероссийской Правительственной премией «Душа России».
Начиная с 2002 года, премия «Душа России» ежегодно присуждается выдающимся деятелям культуры, отдавшим большую часть своей жизни народному исскуству и народному образованию. Это люди внесшие особый вклад в народную культуру. Их творческий стаж более 20лет. Среди лауреатов премии -руководители коллективов народного творчества,мастера декоративно — прикладныхисскуств.
Лахьхьу ДР-лул Культуралул министерствалий хьунни «Сохранение и развитие профессионального искусства и народного творчества Дагестана на 2012 – 2015 годы» тIисса республикалул программалул лагрулуву «Душа Дагестана» тIисса премия дуллалисса ва Халкьуннал творчествалул къатлул сакин бувсса «Яла хьхьичIунну зузисса Магьирлугърал къатта» тIисса конкурсирдал хIасиллу дуллалисса шадлугърайсса батIаву.
Зулайхат Тахакьаева
Аьрасатнал Федерациялул культуралул министерствалул ва Аьрасатнал паччахIлугърал магьирлугърал къатлул сипталийну, 2002 шиная байбивхьуну халкьуннал магьирлугъран ва халкьуннал кIулшиву дулаврин оьрму хас бувсса магьирлугърал бусравсса ишккаккултран гьарца шинал дулайссар «Душа России» тIисса ХIукуматрал ларайсса премия. Му премия дулун ккаккан байсса бур кьуниясса шинну творчествалул стажрал бусса, халкьуннал аьдатру, магьирлугъ ядуллалисса, цайнува цивппа хьусса художествалул коллективрду, школарду, студияртту ва дуссукъатри тIивтIусса инсантал. 2002 — 2009 шиннардил мутталий Аьрасатнаву дуллуну дур 100 премия «Душа России». 2005 шинал ва ларайсса премиялул лауреат хьуну ур Бархъаллал Къачу.
«Душа Дагестана» тIисса премия жулла республикалий гьашину цалчинни дуллалисса. Премия дуллунни «Халкьуннал къавтIаву», «Халкьуннал балай», «Халкьуннал музыка», «Халкьуннал театр», «Халкьуннал аьдатирттал магьирлугъ», «Халкьуннал усттар», «Яла хьхьичIунма магьирлугърал къатлул каялувчи» тIисса номинациярттаву.
Конкурсирдай ххув хьуминнан бахшишру дуллай бия культуралул министр Зумруд Сулайманова ва Халкьуннал творчествалул къатлул хъунмур Марита МухIадова.
«Халкьуннал балайлул номинациялуву «Душа Дагестана» премиялун лайкь хьунни Ккуллал райондалул Магьирлугърал къатлул зузала РайхIанат ХIажиева. Ва премия ларсминнан буллунни ДР-лул Культуралул министерствалул дипломру ва 60 азарда къурушрансса сертификатру.
Яла хьхьичIунну зузисса магьирлугърал муниципал идарартту ххал буллалисса республикалул смотр хьуссар кIива этапрай. Цалчинмур этапрай январь зуруя ноябрь зуруйннин муниципал сакиншиннардай хьуссар магьирлугърал къатрал даврил хIасиллу дуллалисса концертру. Му бакъассагу, хIисавравун лавсъссар ми идарарттал хIакьинусса тагьаргу: лагма-ялттусса кIанттурдал чIалачIин, тамашачитал щябикIайсса заллал ремонт ду-дакъашиву, музыкалул ярагъуннил, клубрал инвентарьданул дузалшинна. Ахирданий районнал ягу шагьрурдал магьирлугърал идарарттаву яла хьхьичIунми личIи бувну, ми гьуртту хьуссар республикалул художествалул самодеятельностьрал смотрданий.
Яла хьхьичIунмур магьирлугърал идара личIи бавриву комиссиялул ялагу хIисавравун лавсъссар ми идарарттал дурсса давуртту ккаккан дуллалисса видеоматериаллу ва суратру, афишарду, буклетру, пригласительный билетру.
Конкурсраву личIи буллай бия шагьрурдал, районнал ва шяраваллал магьирлугърал къатраву яла хьхьичIунми.
Шяраваллал магьирлугърал къатраву хьхьичIунминнал сияхIраву кIилчинмур кIанттай бия Ккуллал райондалул Вихьуллал магьирлугърал къатта (хъунмур ХIасанхIусайнова Рукьижат). Вайннан бахшишран буллунни компьютер. Бахшиширттайну кIицI лавгунни ЦIуссалакрал райондалул магьирлугърал къатта (хъунмур ПатIимат Кьурбанова) – вайннан буллунни факс ва Хъусращиял магьирлугърал къатта (хъунама Ванатиев Гриша) – вайннангу буллунни телевизор.
Вай конкурсирдаву бахшишру ларсъсса лак дакIнийхтуну барчагу буллай, барчаллагь тIий буру вайннахь халкьуннал язисса ххазина ябаврил цIаний буллалисса захIматрахлу.
