Финнал медиктурал тIисса дукра дукаврил, ялавай кIицI ларгсса кьяйдарду дуруччирча, инсаннал оьрму яла чанну 10 шинал лахъи байсса бур:
— Къалияндалия махъаллил хьурча;
— ХIанттия махъаллил хьурча ягу ми цалла кьаралданий хIачIларча;
— Гьарнал цалва чурх цалва кьаралданий битарча;
— Чурх тазану, гуж буну зузи буллай битарча;
— Мудан кIюрххилсса канарча, ссуткалий 7 ссятраяр чанну къашанарча;
— Гьантлун шамила дукра канарча (миннул дянив къабучIиссар канан).
ЧIявуминнан кIулссар геронтолог Джустин Гласел чивчусса «180 шинайсса оьрму» тIисса лу. Му бур лахъисса оьрмурду бусса инсантурахь цIухху-бусу бувну чивчусса лу. Джустин Гласел тIимунийн бувну, тIайлану, низамрайн дурцуну дукра канарча, оьрму лахъисса бикIайсса бур. Вана ганал ккаккан дуллалисса, инсаннан, хайр бакъа, зарал биян къабуллалисса меню:
КIюрххилссаннун – ккунук ягу ттиликI, балугъ (дагъ къабувсса), 2 касак ччатIул, лагаву, ницI, ахъулсса. КIилчинсса кIюрххилсса: ца стакан накIлил ягу накIлил цамур продуктылул (цукунчIавсса булочка, пироженое).
Ахттайнсса: накь, помидорданул сок ягу цумур-дунугу цамур ахъулссаннул сок, дикI, балугъ, нис, ккунук (кIюрххилссаннун къадуркумур), нувщи (2 мюрщисса ягу ца хъунмасса) ккирттаращал шавхьсса ягу ца касак ччатIул лагаврищал, щюллисса ахънилсса, салат, ахъулсса.[youtube]i4I-msJW65w[/youtube]
Полдник: хьхьарасса чяй ягу кофе цирдалу.
Гьанттайнсса: ахттайнссаннуха лархьхьусса.
МаслихIатну ккаклай бур цамургу меню:
КIюрххилсса: ницIащал ягу лагаврищалсса ккурч-ккаша (кIюрххилссаннун дулун бучIисса бур чIявусса клетчатка бусса, помидорду, ахънилсса, ахъулсса, кIучIалу хIаласса ччатI, вайннул ххютту-ка ххуйну зузи дайссар, ахънилссаннул салат, калан, чIикIунтIа, къур, нисварти, цуманан ци ччай дурив). Чяй, компот, ахъулсса.
Ахттайнсса: агарда дукра (белковый) дикIул, балугърал, аьнакIул духьурча, му дукан аьркинссар чара бакъа ттуккулнисирттащал, бадиржандалущал (баклажан). Вай дукралущал ччатI къааьркинссар. Укунсса ахттайнссаннул хъирив нацIусса ахъулссагу къабучIиссар, чяйгу. БучIиссар томатрал сок, нисварти, щюлли гьивч. Агарда дукра духьурча (углеводный) ахънилссаннул накь, хъувхъугу бивчуну кьалия бувсса, накьлил уртту дирчуну, лаччигу бувну дурсса. Вайннухун дакьайссар чяй, компот, пироженое, ахъулсса, повидло, кофе, кисель, сокру, хIаллил ахъулссаннул щин, винегрет, салат, къавур дурсса (тушеные) ахънилсса. Гьанттайнссаннун зунма ишттахI бумур стол личIи бара. БучIиссар букан дагъ бувсса аьнакIул ягу дикIул касак, къавур бувсса калан, помидорданул ва нисвартилул салат, кьаярал ва кьурчIул салат, накьлил уртту дирчуну, ялун хIачIан бучIиссар помидорданул сок. КIира ссятрава бучIиссар ччатIущал чяй хIачIангу.
Агарда гьанттайнссаннул стол углеводный бухьурча, дукияра ахънилссаннул дукра, нувщул ягу къурул котлетру, урттущал архIал, ккирттаращал шавхьсса нувщи ягу пачракъатлуву шавхьсса нувщи. Ялун хIачIан бучIиссар чяй, кисель. Вайннуя цумур бучIирив, дурчIияра зура зунна хъинмур. ВичIи дишара зулла организмалух, ганил зу хъяврин къабантIиссару. Зул оьрмурду лахъисса лякъиннав.
[poll ID=3]
