Уттигъанну ца иширал ялув на ттучIанма дуссухун оьвкуссия цаппара гъансса инсантурайн.
Хъамалу бувкIсса инсантурал на хъинну ххаригу увунав. Вайннавух бия бугьарассагу, жагьилссагу. Вания, тания ихтилатирттай бунува, вайннавасса цаннал: «Ина уттигъанну лу итабавкьусса хавар бурхха, му жунгу къабулуннав?» – куна. Нагу цинявннайх бавчIуссия ттула лу. Буллусса луттирдай чичрурдугу дурссия. Бувсъссия на мукунма ва ттула шамилчинсса лу бушивугу.
ХIасил, ва иш бучIия хIисав буван луттирал ца цила зумунусса презентациялун. Циняв рязину лавгуна ттул къушлия.
