Цал акъа хьуну ур, яла, щинавун учIлай унува, оьвкьун лявкъуну ур Александр Иваницкий, тIисса хавар баян бувна ттигъанну телевизорданувух.
Ва цу уссарив ттунгу ххуйну кIулссия. Ва ия лачIунукку. Жула, Дагъусттаннал,
лачIунбуккултращалгу дусну икIайссия. Александр ия 1937-ку шинал увсса. Гьашину мунан хьунтIий диркIун дур 83 шин. Иваницкий хьуссар мукьийла дунияллул чемпион лачIун буккултраву яла кIумур лагрулий.
Хьуссар ваная 1964-ку шинал Японнал Токио шагьрулий най диркIсса Олимпий тIуркIурдавугу чемпион. Му оьрмулухунсса цIар. АцIния мяйра шинаву айивхьуну, кьуния арулла шин хьуннин ва лачIун уклай ивкIун ур. Яла ваная хьуну ур спортрал иширттая чичлачисса, бусласисса журналист. Зий ивкIун ур СССР дусса чIумал телевидениялий, спортрая бусласисса передачарттал журналистну ва репортерну. Ванал канила бувкссар спортрая бусласисса луттирдугу. Бур цаява чивчусса «Ряххилчинмур асар» тIисса лугу. Аьпа баннав цал.
ХIажимурад ХIусайнов
