Хаварду – кутIану

«Дагъусттаннал вирдакI»
премия ласун хъит учара

Республикалул Халкьуннал творчествалул къатлул кьамул буллай бур «Душа Дагестана» премиялийнсса документру.
ДакIнийн бутан, ва хъана­хъиссар региондалул премия, цил прообразнугу хъанахъи­сса федерал даражалий дулайсса «Душа России» премия. Премия дуллалиссар аслийсса халкьуннал культура дуруччавриву ккаккан дурсса ларайсса кка­ккиярттахлу. Премиялийнсса конкурс шай­ссар «халкьуннал къавтIаву», «халкьуннал балай», «халкьуннал музыка», «халкьуннал аслийсса культура», «халкьуннал усттар», «чIава гьунардучи», «халкьуннал театр», «халкьуннал музыкалул инструмент» номинациярттай.
Документру кьамул буллалиссар сентябрьданул 1-ннин.

ЦIусса дачIугу, аккордеонгу

Барият Мурадовал цIанийсса Республикалул искусствардал школалийн бивунни музыкалул цIусса инструментру. Да­гъусттан Республикалул Культуралул министерствалул пресс-службалул бувсъсса куццуй, школалун буллуссар цIусса аккордеон, электро ва акустикалул гитарарду, гармонну, дачIурду ва цаймигу кьай-кьуй. Му ба­къасса, «Культурная среда» подпроектрал лагрулий школалун ларсъссар офисрал техника ва аьркинсса оборудование.

«Музейрдал хьхьугу» – манзилданий

Гьарца шинал щаллагу дунияллий кIицI лагайсса Музейрдал кьини ххуйсса сакиншиндарай Да­гъусттаннайгу шайссия халкьуннал дянивсса «Музейрдал хьхьу» акция. Махъсса цинярдагу шадлугъру кунна, ва ххуллухмур «Музейрдал хьхьу» тIурча, хьунни виртуал журалий. Республикалул музейрдаву ва иширан хасну хъанахъисса давуртту хьунни онлайн режимрай.

ХIадур бувссар
Бадрижамал Аьлиевал

Читайте также: