Хъун дяъвилий Ххувшаву ларсун 75 шин там хъанахъисса байран лайкьсса даражалий хьунадакьин къабивтунну жува бала-хатIасса цIуцIаврил.
Амма аькьувартту, бала-апатIру ккавккун ларсъсса Ххувшаву жулла дакIурдива тачIавгу къадуккантIиссар.
Ккуллал райондалийсса шяраваллаву Хъун дяъвилул гьурттучитуран хасну дацIан дурсса гьайкаллацI шяраваллал бакIчитурал, культуралул зузалтрал дирхьунни тIутIив.
[dropcap]М[/dropcap]айрал 9-нний Ваччав райондалул администрациялул бакIчинал хъиривчу Анатолий Давдиевлул, райондалул Ветерантурал советрал председатель Аьбдул Загьидиевлул, культуралул отделданул каялувчи Марина Ибрагьимовал, Ваччиял шяраваллил бакIчи Арсен МахIаммадовлул дирхьунни тIутIив СССР-данул кIийла Виричу АхIмад-Хан Султаннул гьайкалдануцIгу.
