[dropcap]В[/dropcap]а оьрмулуву инсантурал бакIрачIан макIравагу ккавккун къаччисса затру бучIай ца-ца чIумал. Маз хъамабитан бувну, хьхьурду уттара дуллалисса бала бувххуна апрельданул байбихьулий жул тIювайн.
Ца янил чани кунасса оьрчIал бивкIу бухIан лялиян бан къахъанай бунува, ливчIсса ца чаннал нур – вама жул оьрчIгу агьуна авариялухьхьун, шагьрулия Лаккуйн ивсса ххуллий. Жул оьрчIан хъунмасса талихI хьуну бия ГьунчIукьатIатусса Давуд хьхьувайва кьатIув ливчIсса гъаттарал хъирив кIюрххила уккаву ва щарнил медсестралул кумаграйну Гъумучату «Анаварсса кумаг» бучIан баву.
Жу хъунмасса барчаллагьрай лабизлай, дуаьлий буру захIматсса чIумал жулва чIарав бавцIусса хIакинтурайн, медперсоналтурайн, жула оьрчI лявкъусса ГьунчIукьатIатусса ТIагьиров Давудлуйн, цинявннайнмагу, цукун ур, ци ккаклай бур тIий, цIухху-бусу буллай кIул буллай бивкIминнайн. Хъунмасса барчаллагь Лакрал райондалул азарханалул цинявгу зузалтрайн.
[dropcap]З[/dropcap]ул даймур дюхъаннав, оьрмурдая, кулпатирттая щалихханнин битаннав Заннал. КIицI къадурну кьаритан къахьунссар цIарду: тай гьантрай хъунама хIакинну зий ивкIсса Сулайманов МахIаммад, хирург Аьлиев Арсен, МахIачкъалалия увкIсса хIакин Дибиров АьвдурахIин, хIакин Убринский Мансур, хIакин НухIова Зарема, медсестрахъул – Апанниева Марижат, Апанниева Лория, ХIажиева Эльмира, Оьмарова СултанпатIимат, Бариева Малвина, Закаржаева ЗабихIат, ЖахIпарова Закират ва хирургиялул отделениялуву зузисса цинявппагу санитаркахъулгу, «Анаварсса кумаграй» зузисса хIакинтал – Рамазанов Шагьмандара, ХIажиева Дездемона ва фельдшер Аьлишаева Жарият.
Аллагьнал зул гьарцаннал дакIниймур бартлаган баннав, ахир хайрданийн дукканнав. Жунгу, жул арснан ТIалхIатлунгу зу бувмур хъамакъабитантIиссар дунияллий буссаксса.
ТIалхIатлул нину-ппу
ХIасан ва Минажат,
цинявппагу уссурссу
