Ххув хьуминнахсса къулагъас

Июньдалул 1-нний ДР-лул БакIчи Владимир Васильев хьунаавкьунни зузалт­рал пишардал VII Национал чемпионатрай гьуртту хьусса Дагъусттаннал цачIундур командалущал.

ХI. Аьдилов
Къазаннай хьусса пишакаршиврул усттаршиву кIул дайсса чемпионатрай Дагъусттаннал цачIундур командалул ххуйсса хIасиллу ккаккан дунни: ларсунни арцул медаль ва «пишакаршиврухлу» тIисса кIира медальон.

Му мероприятиялул лагрулий ДР-лул БакIчинал наградартту дуллунни чемпионатрал координациялул центрданул каялувчи Шамил МахIаммадовлун, чемпионатрай заварду ларсминнан ва заварду ларсми хIадур бувминнан.
Чемпионатрал хIасиллайну Дагъусттаннал циняв гьурттучитал (11 инсан) лавсун бур билаятрал яла хьхьичIунсса 10 компетенциялул сияхIрайн.