ХIадур хьияра национал конкурсрайн

Баян буллай бур «Арена» тIисса II Национал конкурс буллалишиврул хIакъираву. Конкурсрай ххал буллан най бур яла ххуй-хъинмур, ккаккиялунмур спортрал сооружение.

ХIасан Аьдилов
Конкурсрал мурад хъана­хъиссар спортрал материал база гьарта-гьарза баву, «Демография» тIисса национал проект дузрайн дуккан дуван кумаг­рансса паччахIлугърал приоритетсса задача хIисаврай. Конкурс сакин буллалиссар Аьра­сатнал Олимпий комитетрал, Аьрасатнал Паралимпий комитетрал, Аьрасатнал спортрал сооружениярттал ассоциациялул. МиннацIун кабакьу буллали­ссар Аьрасатнал Федерациялул Спортрал министерствалул.
Конкурс буллан най бур укунсса номинациярттай:
— стадионну;
— чIявуфункционал спортрал комплексру;
— гьузузи хIавзру;
— кIинтнил журардал спорт­рансса сооруженияртту;
— специализированиялул спортрал сооруженияртту;
— кьашиврул (плоскостные) спортрал сооруженияртту;
— мюрщиминнансса ва хъунив хьуминнансса (для маломобильных групп населения) сооруженияртту.
Заявкартту кьамул дуллали­ссар майрая гьашину августрал 14-нин http://arenakoнkurs. ru. тIисса сайтрай, ягу тIайла ду­ккайссар электрон журалий arenakoнkurs @rasf.ru. адресрай.