Зума ритан ца урцIух – 25 азара инсан

Июньдалул 1-нний Дарбант шагьрулий хьусса республикалул мероприятиялий ца урцIух зума ритан ккуркки лавгунни сайки 25 азара инсан. Мажлис нани бувну ия тележурналист МухIаммадрасул Абакаров.

Дагъусттаннал муфтинал цIанияту зума ритан бавтIцири барча бувна ванал хъиривчу АхIмад Кахаевлул. Ванал кIицI лавгуна укун ца ссупралух лагма лагаврил, миллатру, динну личIи дакъа, агьали гъан буллалишиву.

БавтIцири барча буллалисса ихтилат бувна ДР-лул национал политикалул ва диний­сса иширтталсса буллалисса министрнал хъиривчу Мурад Шяпиевлулгу, олимпий чемпион Аьвдурашид Садуллаевлулгу, Дарбантуллал Имамтурал советрал хъунама Абубакр Аьливердиевлулгу.

Зума итадакьин арулцIалва хъуни къазаннаву бувну бия пулав, личIи-личIисса группарду тIий бия нашидру. Ахирданий агьали ххари бувна оьрчIи-кIурисса салютиртталгу.

ХIадур бувссар П.Рамазановал