Аьрасатнал МЧС-рал ялув бацIаврил ва профилактикалул отделданул зузалтрал оьвчаву дуллай бур къатраву пачру ягу цайми гъили байсса приборду лахълахъисса инсантурайн,
личIлулну, мугъаятну бикIияра тIий. Аьрасатнаву гьарца кьини чIявусса цIу ларчIсса ишру хъанай бур, оьрмурдацIа хъанай бур инсантал.
МахIачкъалалив хъанахъисса цIу ларчIсса иширттал хIакъи-хIисав дуллалийни, чIалай бур ми чIяву хъанай бушиву, агьалинал къатри гъили бан пачру лахълахъисса чIумал. Инсантурал кув чIумал лахълай бур каних бувсса пачру, къадуручлай бур цIарая мюхчан хьунсса тIалавшиннарду.
ХъуручIуй лахълахъисса пачру ччя-ччяни ххал буллан аьркинссар, чIумуя чIумуйн бакьин буллан аьркинссар бярчIурду.
ЦIу ларчIсса ишру 70%-раяр ххишаласса хъанай бур цивппа заллусса къатраву. Пачру лахъланнин гьарца инсаннал бакI цIуцIаву дан аьркинссар цала ужагъ цIарая мюхчан дан. Щаллу дан аьркинсса ва чулухуннайсса цинярда тIалавшиннарду. ЦукунчIав къабучIиссар саргъун бакъасса пачру лахъан. Пачру лахъаннин ми цивппа, котельнайрду ва цаймигу къатри гъили бан лахъайсса приборду цукун зий дурив ххал дан аьркинссар, дукьан дан аьркинссар саргъун дакъашивуртту. Балики, общежитиярттаву, идарарттай ягу инсантурал ичIува заводирттай бувсса пачру лахълай бухьурча, миннухунсса инструкциялул гьарца хха щаллу бан аьркинссар.
Му бакъассагу, щаллу дан аьркинссар къатри гъили дан лахъайсса системардачIансса тIалавшиннарду. КIицI ларгсса тIалавшиннарду щаллу къадаврийну инсантурал къушлий, идаралий бала хьун бюхъайссар.
ДакIний битияра, цIарая мюхчан хьун бигьассар ми лещан даннияр.
С.М. Супьянов, отделданул хъунама, виваллил къуллугърал капитан.
ХIадур бувссар
А. Аьбдуллаевал
