[dropcap]Р[/dropcap]еспубликалул миллатрал политикалул, информациялул ва кьатIаллищалсса дахIавурттал министрну ивкIсса, 

чил каних ивкIусса, 

МахIаммадсалихI Гусаевлунсса мемориал улттучIа августрал 27-нний хьунни аьпалул митинг, ДР-лул Миллатрал политикалул министерствалул сакин дурну. Му кьини, 2003-ку шинал, МахIачкъала шагьрулул дязаннив цала машиналуву пIякь учин увну ивкIуссар М. Гусаев. Ва кунасса яргсса инсан, усттарсса каялувчи, хъунасса патриот жула дянив акъа хьунни 15 шин.

---

Митинграй гьуртту хьуна рес­публикалул министерстварттал, личIи-личIисса идарарттал, су­ккушиннардал вакилтал.
Митинг тIитIлатIисса ихтилат бувна ДР-лул миллатрал политикалул министрнал буржру чIумуйну биттур буллали­сса Татьяна Гамалейл. Мунил тавакъюрайн бувну, бавтIми МахIаммадсалихI Гусаевлул аьпа­лун минутIрайсса пахъ багьуна.

[dropcap]М[/dropcap]ахъру ялагу лавхъуна РАН ДНЦ-лул Этнополитикалул хъиривлаявурттал Региондалул центрданул директор Низами Казиевлул, ДР-лул БакIчинал маслихIатчи Илияс Мамаевлул, профессор, ДР-лул Жяматийсса Палаталул член Мус­ттапа Билаловлул, «Дагъусттан» ГТРК-лул жяматийсса ва политикийсса ТВ-лул каялувчи, ДГУ-лул электрон СМИ-лул кафедралул каялувчи Илман Аьли­пулатовлул. Ихтилатру буллалими МахIаммадсалихI Гусаев дакIнийн утлай бия тIайлашиву ххирасса, кьянкьану махъ учай­сса, цимурцаннух цанна хасъсса ургаву, цалва пикри бусса инсанну, ххаллилсса зузалану ва дусну, куртIсса аькьлулул заллуну, рес­публикалул хIакьсса патриотну, хьхьичIва-хьхьичI терроризмалул ва экстремизмалул идеологиялийн къаршину ацIансса кьянкьашиву цайнна ларсминнавасса цану, министерствалул ххаллилсса каялувчину.

[dropcap]М[/dropcap]итинг къуртал хьунни Ма­хIаммадсалихI Гусаевлун дацIан дурсса мемориал улттучIа тIутIив дишаврийну.
Шиккува кIицI лаган, Ма­хIам­мадсалихI Гусаевлул цIа дирзссар Республикалул Кказитирттал ва журналлал комплекс­ран, МахIачкъалаливсса ва Дарбантуллал райондалийсса Чинар шяравусса кIичIираваллан, мура шяравусса ва Агъуллал райондалийсса Буршагъ шяраваллил школарттан, Ставрополлал крайрайсса Дагъусттаннал халкьуннал Культуралул центрданун.