[dropcap]А[/dropcap]прельданул 19-нний Лаващав хьунни «Моя Родина – Россия» цIанилу дуллалисса агитбригадардал фестивальданул Зунттал территориялулмур округрал этап.

[dropcap]Ф[/dropcap]естивальданул сакиншинначитал бур ДР-лул Культуралул министерство, Республикалул Халкьуннал творчествалул къатта, чIарав бацIаву дунни Лаващавсса Халкьуннал аслийсса культуралул центрданул ва Лаващиял райондалул администрациялул.

[dropcap]Ф[/dropcap]естиваль дуллалиссар ДР-лул ПаччахIлугърал «Комплексная программа противодействия идеологии терроризма в Республике Дагестан на 2018-2020 годы» тIисса цIанилусса программалул лагрулий ва халкьуннал шаэр Расул ХIамзатовлун 95 шин шаврин хасну.

Фестивальданий гьуртту хьунни Ахъушиял, Ахвахуллал, Бущихъиял, Гергебиллал, Гумбетовуллал, Гъуниннал, Лакрал, Ккуллал, ТIиляратIиял, УнцIукIуллал, Хъунзахъиял, ЦIумадиял, ЦIунтIиннал, ЧIарадиял, Шамиллул районнаясса ва БежтIиял участокраясса творчествалул коллективру.

Агитбригадардал фестиваль тIитIлай, ихтилатру бунни ДР-лул БакIчинал Зунттал округрайсса вакил МахIаммад Камиловлул, мюхчаншиву дуруччаврил масъалартталсса байсса ДР-лул бакIчинал кумагчи Сайпуттин Сайповлул, Лаващиял райондалул бакIчи Шамил Дарбишевлул, ДР-лул культуралул министрнал хъиривчу, Республикалул Халкьуннал творчествалул къатлул директор Марита МухIадовал.

Хъирив ларай кIицI ларгсса коллективирттал ккаккан бунни терроризмалул, экстремизмалул идеология дащуй дихьлахьисса, мукунма Расул ХIамзатовлул творчествалуцIун бавхIусса личIи-личIисса номерду.
ДакIнийн бутан, ванияр хьхьичI, Ухссавнил территориялулмур округрал фестиваль хьуссия апрельданул 6-нний Къизлардай.

Бадрижамал Аьлиева