[dropcap]Ж[/dropcap]улла республикалий цалнияр цал къулай хъанай дур ялув бавцIуну ябуллалисса тIабиаьтрал кIанттурдацIун (ООПТ) дархIусса давуртту. ТIабиаьт дуруччиншиврул жучIава ялув бавцIуну ябуллансса кIанттурдал 25 % бикIангу багьлай бусса бур, цIана тIурча, мукунсса кIанттурдал так 10,6% мюхчан бувну бусса бур.

---

З. АьбдурахIманова
[dropcap]В[/dropcap]а иширацIун бавхIуну, ляхълахъисса чараннаву агьамсса кIану бугьлагьиссар ларгмур шинал декабрьданул 15-нния гьашину мартрал 10-нин най диркIсса Республикалул краеведтурал хъиривлаявур­ттал конкурсралгу.
Гьурттучитурал оьрмулул шиннардих бурувгун, цалчинми хIасиллу дурссар апрельданул 12-нний, хъиривми – майрал 16-нний.

Ва даврил мурадгу хъанахъи­ссар тIабиаьтрал мюхчаншиврийн лавсъсса кIанттурдая бусласаву, ми ттигу гьарза бан аьркиншиврия ялун нанисса никирангу бувчIин бу­л­­ла­лаву, жула тIабиаьтрал ккаккиярттах, мунил ялувсса буруккинттах халкь къулагъас дуллали баву.

Аьмну гьашинумур конкурсрай гьуртту хьун ччиминная дуркIун дур 150 хъиривлаявурттал даву. Цалчинмур группалуву гьуртту хьуну бур школарттаясса, лицейрдавасса ва гимназиярттавасса 14-18 шинну хьусса дуклаки оьрчIру. КIилчинмунивух – 18-35 шиннардивусса аьлимтал, студентътал, магистрантътал ва аспирантътал. Шамилчинмур группалувухгу гьур­тту хьуну бур 35 шинава ливчусса хъиривлаявурттал идарарттал пишакартал.
Конкурсрал хьхьичIунсса кIанттурдан лайкь хьуминнан сакиншинначитурал чулухасса дип­ломру ва бахшишру дуллунни. Циняр хъиривлаявурттал давуртту «Актуальные проблемы особо охраняемых природных территорий Рес­публики Дагестан» тIисса луттирай рищунтIиссар.