ЦIуссалакрал райондалул 1-мур ДЮСШ-рал спортсментурал ларгсса шинал, Республикалул ва СКФО-рал яла машгьурми чемпионатирттай гьуртту хъанай,цимилгу хьхьичIунсса кIанттурду бувгьуссар. ЦIусса шингу ва школалул спортсментурал дайдирхьунни, личIи-личIисса турнирдай гьуртту хьуну, хьхьичIунсса кIанттурду бугьаврийну.
Имара Саидова
[dropcap]В[/dropcap]а ххуллух Республикалий хьусса боксрал первенствалий 2003-2004 шиннардий бувсса, 46 кило кIушиврул дусса спортсментурал дянивсса бяст-ччаллаву цалчинсса кIану бувгьунни Аьлиев Юсуплул. Ванал тренерну ур ЦIуминалийсса ДучIиннал шяраву спортшколалий зузисса АбутIалиблул арс Чупалаев Халид.
ЦIанакул Юсуп дуклай ур ДучIиннал 2-мур СОШ-рал 7-мур классраву.
Чемпионатрай цалчинсса кIану бугьаврийну Юсуп кьамул унни Дагъусттаннал цачIун дур командалувун, чIал къавхьуну СКФО-рай хьунтIисса агьамсса бяст-ччаллай гьурттушинна дантIиссар.
ЧIа учинну тIайлабацIу жула жагьилнан.
