жижара

Аьлил арс ХIасанов МахIаммад-ТIагьир

Оьрмулул 78 шинаву жуятува личIи хьунни Вихьуллал шярава­сса Ханнал Аьлихъал тухумрая­сса Аьлил арс ХIасанов МахIаммад-ТIагьир. Ва цала бусса оьрмулий зий ивкIссар буттал шяраву учительну. Читать далее

КъакIулмур лахьлан аьркинссар кIулминная

Февральданул 20-нний ДР-лул ХIукуматрал Председатель Артем Здунов увкIунни ДР-лул Дуккаврил ва элмулул министерствалийн. Мунащал архIал ивзунни ДР-лул экономикалул министр ХIусман ХIасбулатов. 

Премьер-министрнал ихтилат бунни ведомствалул каялувчи Уммупазил Оьмароващал ва зузалтращал, министерствалул структуралул, къуллугъчитурал биттур дуллансса давурттал хIакъираву.
Хьунабакьаврий гьаз бунни захIматнихун багьсса масъалар­тту: школартту дарсирдал луттирдал щаллу баву, школардай 3 сменалий дарсру дихьлай бушиву, оьрчIал садикирттай кIанттурду биялну бакъашиву ва цаймигу.
Министерствалул къуллугъчитурал ихтилатирттах вичIи дирхьуну махъ, Артем Здуновлул маслихIатну ккавккунни цайми регионнал дуккаврил министерстварттал давуртту лахьхьин. Мунищала архIал ганал бувсунни къулагъас дуван аьркиншиву тарбиялул масъаларттах, жагьилтал ватан ххирану тарбия баврих, сянаткаршиврул давурттах ва педагогтурал кIулшиврул даража лавай баврих.
Премьер-министрнал цIа дунни 2017-2018 дуккаврил шиннардий дуклаки оьрчIал щалагу Аьрасатнал олимпиадалий дур­сса давурттая ва профориентациялул давурттая.
***
ДР-лул ХIукуматрал Председатель Артем Здунов ивунни республикалул ТIабиаьтрал луртаннал ва экологиялул министерствалийн. Хьунабакьаврий гьуртту хьунни вице-премьернал кIанайма Билал Оьмаров ва министерствалул каялувчи Набиюлла Къарачаев.
Премьер-министрнал бувсунни министерствалул зузалтрал дуллан аьркинсса давурттая, инвестицияртту дучIан дуллан аьркиншиврия. Ихтилат хьунни мукунма лагмасса тIабиаьт дуру­члан аьркиншиврия, шагьрурдай цIинцI-ччюрк цила чIумал дукьан къадуллай бушиврия, Каспий хьхьирил экологиялул тагьардания. Ххал бивгьунни республикалул чавахъирттал хозяйствалул комплексрал лябуккулул масъалагу.
***
Февральданул 20-нний ДР-лул ХIукуматрал Председатель хьунаавкьунни ДР-лул Культуралул министерствалул зузалтращал. Ганал вичIи дирхьунни ведомствалул давурттал хIакъираву бувсмуних, кIул хьунни захIматнихун багьми масъаларттащал, яла бувсунни культуралул бутIуй дуван аьркинсса агьамми давурттая. Премьер-министрнал бусаврийн бувну, министерствалул хьхьичI бур хъунисса стратегиялул даражалий­сса масъалартту. Ихтилат хьунни музейрдал, библиотекарттал, театрдал идарарттал хIакъираву.