Дагъусттаннай сакин бантIиссар республикалий законну бартдигьаврил властьрал органнал иширттаву «ТIиртIусса хIукумат» (открытое правительство) тIисса система щурущидуллансса комиссия. Мунил хIакъираву бувсунни январьданул 24-нний премьер-министр Аьбдуссамад ХIамидовлул каялувшиврий хьусса Дагъусттаннал ХIукуматрал батIаврий.
[dropcap]М[/dropcap]унал бувчIин бунни ихтилат бушиву паччахIлугърал управлениялул принципирттал системалия. Му системалул мяъна дур укунсса: инсантал, жяматийсса организацияртту, коммерциялул компанияртту кIункIу даву биттуршиндарал властьрал органнал хIукмурду дузрайн буккан баврицIун дархIусса давурттавух гьуртту хьун. Муния гьартану бувсунни ДР-лул печатьрал ва информациялул министрнал кIанайма Рашид Акавовлул.
Аьбдуссамад ХIамидовлул бусаврийн бувну, властьрал органнан аьркинссар цалла давурттал хIасиллая буслан агьалинахь.
ХIадур бувссар
ХI. Аьдиловлул
