[dropcap]Л[/dropcap]аргсса ххуллункьини «Единая Россия» партиялул Лакрал райондалул отделениялул жямат кьамул бай къатлуву райондалул чулухасса ДР-лул Халкьуннал Мажлисрал депутат ЖахIпар Абуевлул кьамул бунни агьали. [dropcap]А[/dropcap]dafsdasdгьали социал хIаллих­шиннардил дузал бай­сса центрданул хъунама, райондалул депутатътурал собраниялул хъунама Шяпи Щурпаевлул тавакъю бия цала центрданий ятинсса оьрчIансса къатлунсса матахI ласун кумаг бува тIисса. Депутатнал Шяпи Щурпаевлухь аьркинсса матахIрал сияхI хIадур дува увкунни.
Гъумучиял шяраваллил бакIчи МахIаммад ХIусниевлул тавакъю бия ххуллурдал давур­тту щаллу дуллансса цукунсса-дунугу техника ласун кумаг бува тIисса. Абуевлул махъ буллунни ялун нанисса шинал январь зурул ахирданийннин экскаватор машан ласун.
Гъумучатусса Сайпуллагь ХIусайнов депутатначIан увкIун ия цала арс Гъумучиял магьирлугърал къатлуву даврийн ­уххан кумаг бува тIий. Ванала цамургу суал бия чаннал мушакъатсса арснан дагьайсса хIаллихшиннардал ялув. Ччя­сса чIумул мутталий му суалданул хъирив изанна увкунни Абуевлул.
ШавкIуллал администрациялийн дагьлагьисса ТIулизуннал шяраватусса Аьлиев Аьбдуллул ва Сурхаев ЯхIиянал тавакъю бия шяравун щин дуцин кумаг бува тIисса. Депутатнал дуллунни щин дуцин аьркинсса насос ласунсса арцу.
Жагьилтурал, спортрал ва туризмалул комитетрал хъунама Малик ХIусманов увкIун ия жагьилтурал цIания, Гъумук буллай байбивхьусса футболданий ва волейболданий буккай­сса майданну къуртал бан ччай бур тIий. Строительствалул заказчиктал бусса бур ГКУ «Дагсельхозстрой». ЖахIпар Абуевлул махъ буллунни депутатнал тIалавшиндаращал му идаралийн уккан.