[dropcap]Р[/dropcap]айондалул бакIчинал хъиривчу, терроризмалийн къаршисса комиссиялул хъунама Абакар Къюннуевлул каялувшиндаралу ЧIарттал шяраву хьунни террорданийн къаршисса комиссиялул батIаву.

[dropcap]М[/dropcap]уний гьуртту хьунни му комиссиялул члентал, КIундиннал ва ЧIарттал шяраваллал бакI­читал, кIирагу шяраваллил магьирлугърал къатрал зузалт, школарттал директортал ва учительтал.
Абакар Къюннуевлул бувсунни райондалий терроризмалул ва экстремизмалул идеологиялийн къаршину дуллалисса даврия. Гужлан дан багьлай бур увкунни хIакьину дазул кьатIув террористурал кьюкьраву гьурттусса инсантурал гъан-маччаминнащалсса профилактикалул даву.
Аьрасатнаву 2013-2018 шиннардий терроризмалул идеологиялийн къаршисса давур­ттал пландалул лагрулий ва шинал 9 зурул мутталий райондалий дурсса давурттая бувсунни комиссиялул секретарь Ансар Къажлаевлул.
Цала шяраваллаву дуллали­сса давурттая бувсунни Жабир Гаммуевлул ва Микьдар Аьвдулмажидовлул.
ЦIусса шин дайдихьулул гьантрай агьалинал мюхчаншиву дуруччаврил ялув дансса давурттая бувсунни «Лакский» МО-лул каялувчи Юсуп Амировлул.
Ихтилатру бунни Лакрал райондалул имам Шагьмурад ХIажимурадовлул ва коми­ссиялул аппаратрал каялувчи МахIаммад Гадаевлул.
Гьарца ххал бивгьусса суаллал ялув кьамул бунни хIукмурду.

ХIадур бувссар
Зулайхат Тахакьаевал