Ларгсса алхIат кьини МахIачкъалаллал «Анжи» ччалли дуклай дия Краснодардал «Краснодар» командалущал, Каспийскаллал «Анжи-Арена» стадиондалий.
Счетраву хьхьичIгу дунура, МахIачкъалаллал футболчитурал хIарачат бакъашиврул, цалчинмур бутIуй хьун дурсса хьхьичIуншивруцIагу хьуна. Мунияту уттигу цал ничьялийну щаллу хьун багьуна. «Терпеть-терпеть», тIий оьвтIий ия «Анжилул» хъуна-хъунама тренернал кIанайма Руслан Агъаларов, ганан бувчIлай бия хIатта ххуйсса счетрай бунувагу, хьхьара дуван къабучIину бушиву техничнайсса Краснодардал футболчитуращал буклакисса тIуркIулуву. Шиккува дакIнийн бутанну, «Краснодар» команда дукIу Аьрасатнал чемпионатрал чарвитул призер хьуссар.
Жулла командалул мадара хIаллай хIарачат бувна муттаэтурал гьужум хIурхIа лаган буван. Яла хъамаллурал командалуву цаппара футболчитал баххана бувну махъ, тайннал кIива гол бавкьуна жулва къапулувун. Цалчинмур гол тайннал командалувасса Лабордел бавкьуна жулва къапулувун, кIилчинмур – Арил.
Гьай-гьай, 2.2 счетраяту рязину дакъая царагу команда. Му мукуннугу, МахIачкъалаллал команда лархъунни турнирданул таблицалул 14-мур ххуттайн.
Голлу бавкьунни. Аллийда, Боли, Лобарде, Ари
«Анжи». Песьяков, Ещенко, ХIажибеков, ТIагьирбеков, Жиров, Агъаларов, ХIасанов (Мкртчян), Аруна (Эбесилио), Максимов, Боли (Леонардо), Алмейда.
«Краснодар». Синицын, Гранквист, Страндберг, Камшин, Газинский (Горбинский), Петров, Ахмедов, Каборе, Смолов, Вандерсен (Лаборде), Жоаозиньо (Ари).
