Ларгсса нюжмардий ЧIарттал шяраву хьунни ФАП тIитIлатIисса шадлугъ. Муний гьуртту хьунни райондалул бакIчи Юсуп МахIаммадов, райондалул администрациялул бакIчи Абакар Къюннуев, райондалул больницалул хъунама хIакин АьбдурахIин Дибиров, ЧIарттал шяраваллил администрациялул бакIчи Микьдар Аьбдулмажидов, администрациялул зузалт, шяраваллил агьлу ва ФАП буллай бивкIсса зузалт.
Юсуп МахIаммадовлул шяраваллил агьлу барча буллай, кIицI лавгуна шяраву бюхълан тIий бушиву ттизаманнул шартIирдайсса кумаг буллан
Ва мукьилчинсса ФАП бур махъсса шанна-мукьра шинал лажиндарай райондалул каширдацIух бувсса ва ттизаманнул шартIирдал лащу-щаллусса.
Бувсунни шяраваллаву ялапар хъанахъисса агьалинан шартIру дузал даврил ялув райондалул каялувчитал гихунмайгу зун тIий бушиву.
Ихтилатру буллалиминнал барчаллагь увкуна райондалул каялувчитурахь ва ФАП бавриву гьурттушинна дурцириннахь.
