ТIайламур бацIан бан

В архиве Информационного центра МВД по РД хранятся документы, образовавшиеся в деятельности органов НКВД ДАССР и др. органов. Документы фондов архива могут быть использованы физическими и юридическими лицами. Каков порядок получения архивных справок, справок о реабилитации, копий и выписок в Информационном центре МВД по РД.

ДР-лул МВД-лул информациялул центрданул архивраву яхьуну дур ДАССР-данул НКВД, ОТПУ-НКВД-МООП — МВД ДАССР, МВД РД, МВД по РД органнал 1919 шиная хIакьинусса кьинининсса документация.

Архиврал фондирттал документру ишла бан бю­хъайссар инсантураща ва идарарттаща цанна дагьлагьисса социал гарантияртту ва куклушиннарду тIалав дан, политикалул хIуччардайн бувну репрессировать бувсса мачча-гъаннал бакIрачIан бувкIмур ва цаймигу затру кIул бан.
Мукунсса мурадрай увкIманахьхьун Информациялул центрданий хасъсса фондирттал ва политикалул репрессияр­ттахьхьун биривминнал реабилитациялул отделданул дулайссар архиврал справкарду, архиврал выпискартту, реабилитациялул справкартту, мукунма архиврал документирттал копиярду. ПаччахIлугърал услугарду украссар.
Информациялул центрданий кIицI лавгсса масъаларттал хъирив увкнан дулайссар личIи-личIисса консультация.
Миннаща кIул бан бю­хъайссар:
1. дуссарив республикалул МВД-лул архивраву цанна аьркинсса материаллу, чув лякъин бюхъайссарив ми.
2. цукунсса документру бикIан аьркинссарив архиврал ва реабилитациялул справкарду, выпискарду, копиярду ласун.
3. цукунсса низамрай ва цуксса чIумул дянив щаллу бантIиссарив цалва аьрза. Агана аьрза ххал бивгьусса куццуй рязину акъахьурча, му цукун обжаловать бантIиссарив.

Аьркинмур кIул бан шайссар ччарча телефоннавух: 99-46-35; 99-43-84, ччарча му центрданийн увкIун. БучIиссар зулва аьрза пучрайх ягу ДР-лул МВД-лул официал сайтрайн гьан бангу. Электронный адресрай гьан буллалисса аьрза бикIан аьркинссар тIайлану, марцIну, бувчIинну чивчусса, гьарица хIарп, цифра пIякь диркIун чIалачIисса.
Аьрзирай ккаккан бувну бикIан аьркинссар му чун, ци органнайн ягу цума къуллугъчинайн (фамилия, цIа, буттал цIа) тIайла буклай буссарив. ДикIан аьркинссар аьрза чичлачиманал фамилия, цIа, буттал цIа, ягу идаралул цIа.
Ккаккан дурну дикIан аьркинссар аьрзлул хIакъиравусса жаваб гьан дансса адрес.
БувчIин бувну бикIан аьркинссар аьрзлул мурад, дикIан аьркинссар къулбас ва аьрза чивчусса кьини, барз, шин.
Цалва аьрзлул хIакъираву паччахIлугърал кабакьлакьишиву тасттикь бан, аьрзлуцIун цIакь бувну бикIан аьркинссар паспортрал страницардал копиярду. ПаччахIлугърал услугарду ци гьанулий дуллай буссарив бурувгун, аьрзлущал дикIан аьркинссар:

1. Щил хIакъиравусса информация тIалав буллай буссарив мунал рязишинна (чичрулийсса) ягу му ивкIушиву тасттикь буллалисса документрал копия.
2. Щил хIакъиравусса информация тIалав буллай буссарив, тIалав буллалиманал ва мунал гъаншиву тасттикь дуллалисса документирттал копиярду.
3. Ирсирай кьадиртмунийн ихтияр душиву тасттикь буллалисса документирттал копияр­тту. Микку ккаккан бувну бикIан аьркинссар му масъалалийн багьайсса архиврачIан итаакьлай ушивугу.
4. Пуланнал мурадру буручлансса ихтияр душиврул доверенность, нотариусрай цIакь дурсса.

Анкетарду дуцIин дуллалиний бучIиссар мобильный телефондалул номер ккаккан бангу. Электронный адресрай гьан бувсса аьрзри электронный документирттал журналданийн сияхIрайн лагайссар, ми бувкIсса кьинива хъирив букканшиврул. СияхIрайсса аьрзирал номер я электронный почталийх, я телефондалувух бусайссар.
Ккаккан дурсса чIумул дянив аьрза гьан бувманал сайтрайн документирттал хъирив ухьхьу тIисса оьвчаву дучIантIиссар. Ягу мунан цанма ччарча, документ гьан бантIиссар цала бувсъсса почтовый адресрай.
ДР-лул МВД-лул информациялул центр
ХIадур бувссар
А. Аьбдуллаевал

Добавить комментарий