ДР-лул Халкьуннал Мажлисрал депутатътурал, властьрал органнал вакилтурал, муниципал районнал ва шагьрурдал округирттал бакIчитурал буруккин буллай бур, цаппара СМИ-рдай ДР-лул Президент МахIаммадов МахIаммадссалам МахIаммадаьлиевич къуллугърая укьан ан бюхъайссар, тIисса хаварду ппив буллалаврицIун бавхIуну ва баян буллай бур цIанасса республикалул бакIчинал чIарав бацIлай бушиву.

ДР-лул Халкьуннал Мажлисрал депутатътурал калима дунни республикалул парламентрал ирглий бакъасса сессия батIин ва кьамул дан цIанасса ДР-лул Президентнал чIарав бацIлай бушиврул хIакъиравусса резолюция. МуницIун бавкьунни шагьрурдал ва районнал бакIчитал, жяматийсса ккураннал ва политикийсса партиярттал лидертал. [pullquote]МахIаммадссалам МахIаммадовлул цинявннахь барчаллагьгу куну, тIалав бунни цалла низамрай зун. [/pullquote]Ганал бувсунни дакI дарцIуну ушиву Дагъусттаннал агьалинал Аьрасатнал Президент Владимир Владимирович Путиннуйн вихшала дирхьуну бушиврий ва цIанасса тагьар республикалий тагьар оьлукъин дуван ишла къаданшиврий.