Лахьхьу Гъумучиял клубраву хьунни Гъумучиял школа ва лицей хьхьичIунсса ккаккиярттащал къуртал бувминнан медаллу дуллалисса шадлугъ. Муний гьуртту хьунни «Лакрал район» МР – данул бакIчи Юсуп МахIаммадов, ванал хъиривчутал, кIулшиву дулаврил управлениялул хъунама Явсупи ХIамзаев, учительтал,
Ххирасса лакрал жямат! Ххирасса «Илчилул» буккулт! Гьашину июль зурул 15-нний А. Къапиевлул цIанийсса Лакрал музыкалул ва драмалул театрданул залдануву хьунтIиссар «Илчи» кказит цIуницIакул дунияллийн буклай байбивхьусса кьинилия шиннай там хъанахъисса 25 шинал юбилейрацIун бавхIусса хъунмасса мажлис.
Ххирасса Качар, вил ккуран! Ттул хъунмасса хIалли зучIан чичинна тIий, амма цIуллу-сагъшиврул хIал ялтту буклай, хъунмав шаву дахчилай, уттинин чичин къабювхъунни. Бухьунссар цаймигу инсантал, на кунма жулва маз ххирасса, «Илчилуха» чIалачIин дакъасса, амма зучIан чичин ка хъирив къалаллалисса.
«Илчи» кказит бур ца яла бюхттулмур, марцIмур, гъилимур миллатрал ккурчIа – лакку мазрал марцIшиву, пасихIшиву, ххаллилшиву ва куртIшиву дуручлачисса бакIщаращи, мунихсса мякь ялу-ялун гуж хъанай бур Лакку билаятгу, ниттил мазгу, миллатрал бюхттулсса тарихгу ххираминначIа, мугу хъанай бур ва 25 шинай кIанттуву оьрчIах кунна ттюнгъа аякьа дуллай ялув бавцIусса жунма хъинну ххирасса ххаллилсса кказитрал зузалтрал гьунар.
«Илчи» кказитрал редакциялул тавакъюрайн бувну кказитрацIун дархIусса кутIасса дакIнийн бутаву кIицI дуллай ура нагу.
«Жула талихI бакъашиву, жува чансса бушавриву дакъарча, жува куннал ку къабувгьусса бушиврувур». МахIаммад Хачилаев Ттигъанну Хъунзахъиял райондалийн аьрххи багьну, жу яруссаннал литературалул гьану бивзсса шаэр Тажуттиннул (ЧанкIал) буттал шяраву Батлаичлив кIива-шанма къушлийн бувхссияв. Почта бачIайсса чIун духьунссия, цинявннанний жун хIисав хьуна яруссаннал мазурдийсса кказитру: «ХIакъикъат», «Ассалам», «Миллат».
«Главное бюро МСЭ по РД». ФКУ-рал 4-мур составрал куннащал ку бавкьусса, ххуйсса коллективрал цIаниятугу, хасну ттулва цIаниятугу барча буллай ура Дагъусттаннал бусурман агьлу.
Мяш шаву – му оьккисса хасиятрал ца тIиму дур. Му тIиму ттувугу дия. Цува лявхъусса кIану гьаз бувсса, мунил тарихрая чивчусса инсаннай мяш шайссияв. Утти ттулва нава паракьат бувара. Лявхъу кIану,
Уттигъанну дунияллийн бувккунни профессор, филологиялул элмурдал доктор Сулайман АхIмадовлул МахIаммадхIажи ХIажиевлул (ЧукIундалавл) творчествалун хас бувну чивчусса «Назмурду» тIисса лу. Ттинин ЧукIундалавл оьрмулия ва творчествалия чивчуну бивкIссар шаэр, аьлимчу Абачара ХIусайнаевлул,1988 шинал му реабилитироват увну махъ. Жуна ЧукIундалавгу, шаэр хIисаврай,
Сувра тIутIайх бичайссар июльдания сентябрьданийнин. Суврарал чIапIай чIяруссар ментол ва ментон бусса эфирное масло. ЧIапIив батIайссар сура тIутIайх бичлачийни.
