«Заназира зурулух»
Ца зурул хьхьичI лавгунни дунияллия ттул ххирасса, гьарца багьу-бизулуву оьвхъусса уссу ХIажимурад. Мунал оьрмугу лавгссия аьрая зана къавхьусса буттах мякьнува.
ЯтIа-тIар бакъа акъа хьуну ивкIсса жул ппу Юнусов МахIаммад увччусса кIантту кIул хьуссар Ххувшаву ларсун 65 шин хъанахъисса гьантрай – мунал цайминнащал цачIусса гьав хьуну дия Краснодардал крайрай, Славянск-на-Кубани тIисса шагьрулий. Аьпабиву, ттул уссу гьарца шинал лагайссия буттал гьаттайн Ххувшаврил байрандалул гьантрай. Къаивтунни ттул уссу гьашинумур Ххувшаврил кьинигу буттачIан гьан.
АвцIу кIану бювхъусса, ЩяивкI кIану аьдилсса, АрхIал бивзми рязисса, Ттул ххира-аьзиз уссай.
Дакъанан дулун кIулсса, Дунащал дукан кIулсса, Гьарца кIанай авкьусса, Ттул ххира-аьзиз уссай.
Гъанссар куну учайхха РухIирдалми ххуллурду, Къадиянххурав, уссай, Утти зул рухIру цачIун.
Арс буттачIан ияйсса Хьхьурду зурулли учай, Заназира зурулух Щалихханнин кIиягу! СантIуева СултIанат, ш. 1-мур ЦIувкIул